SUN குழுமத்திலிருந்து வெளிவரும் காலை நாளிதழ்

காந்தி அடிகளின் கருத்துகள் குறித்து மாணவர்களுக்கு பேச்சு போட்டி

2022-10-08@ 01:03:42

சென்னை: தமிழ் வளர்ச்சி துறை இயக்குனர் நேற்று வெளியிட்டுள்ள அறிக்கை: காந்தியடிகளின் கருத்துகளையும், சமூக சிந்தனைகளையும் தமிழ்நாடு முழுவதும் உள்ள பள்ளி, கல்லூரி மாணவ, மாணவிகளிடம் கொண்டு சேர்க்கும் வண்ணம் பேச்சு போட்டிகள் 12.10.2022   (புதன்) காலை 10 மணிக்கு தனித்தனியே நடைபெற உள்ளன. சென்னையில் வடசென்னை,  மத்திய  சென்னை,  தென் சென்னை ஆகிய  மூன்று இடங்களாக பிரிக்கப்பட்டு பேச்சு போட்டிகள்  நடத்தப்படும். ஒரே நாளில் சென்னை உள்பட 38 மாவட்டங்களிலும்  இப்போட்டிகள் நடைபெறும். பள்ளி மாணவர்களுக்கு  வடசென்னை, அரசு  உயர்நிலைப் பள்ளி வில்லிவாக்கம்,   தென்சென்னை அரசு மகளிர் மேல்நிலைப்பள்ளி அசோக் நகர், மத்திய சென்னை, ஜெயகோபால் கரோடியா மேல்நிலைப்பள்ளி, சைதாப்பேட்டை ஆகிய இடங்களில் நடைபெறும்.

கல்லூரி மாணவர்களுக்கு வடசென்னை, டாக்டர் அம்பேத்கர் கலைக்கல்லூரி  வியாசர்பாடி, தென்  சென்னை, ராணிமேரி கல்லூரி, மத்திய சென்னை, பாரதி மகளிர் கலைக்கல்லூரி பிராட்வே  ஆகிய  இடங்களில் பேச்சு போட்டிகள் நடைபெறும். பள்ளி மாணவர்களுக்கான தலைப்புகள்: 1) அண்ணலின் அடிச்சுவட்டில், 2) காந்தி கண்ட இந்தியா, 3) வேற்றுமையில் ஒற்றுமை, 4) பாரத தேசமென்று பெயர் சொல்லுவோம். கல்லூரி மாணவர்களுக்கான தலைப்புகள்: 1) வாழ்விக்க வந்த எம்மான், 2)  மனித வாழ்க்கையும் காந்தி அடிகளும், 3) சத்தியசோதனை, 4)  எம்மதமும் நம்மதம், 5) காந்தி  அடிகளின் வாழ்க்கையிலே, 6. இமயம் முதல் குமரி வரை. பேச்சுப் போட்டியில் வெற்றி பெறும் பள்ளி மாணவர்களுக்கு முதல் பரிசு ரூ.5000, இரண்டாம் பரிசு ரூ.3000, மூன்றாம் பரிசு ரூ.2000 என்ற வகையிலும் சிறப்பு பரிசாக அரசு பள்ளி மாணவர்களுக்கு மட்டும் ரூ.2000 வீதம் இரண்டு பேருக்கு வழங்கப்படும்.  பேச்சுப்போட்டியில் வெற்றி பெறும் கல்லூரி மாணவர்களுக்கு  முதல் பரிசு ரூ.5000, இரண்டாம் பரிசு ரூ.3000, மூன்றாம் பரிசு ரூ.2000 வழங்கப்படும்.

மேலும் செய்திகள்

Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்