SUN குழுமத்திலிருந்து வெளிவரும் காலை நாளிதழ்

Dinakaran Daily news

வெடித்து சிதறிய ஏவுகணை தென்கொரியாவில் பரபரப்பு

2022-10-06@ 00:45:31

சியோல்: வடகொரியாவின் ஏவுகணை சோதனைக்கு எதிராக தென்கொரியா ஏவிய ஏவுகணை அந்நாட்டின் விமானப்படை தளத்தில் விழுந்து வெடித்தது. அமெரிக்கா, ஜப்பானுடன் இணைந்து தென்கொரியா கூட்டு ராணுவ போர் பயிற்சி மேற்கொள்வதால் ஆத்திரமடையும் வடகொரியா, இந்நாடுகளுக்கு எதிராக தொடர் ஏவுகணை சோதனைகளை நடத்தி வருகிறது. இந்நிலையில், அணு ஆயுதத்தை சுமந்து செல்லும் ஏவுகணையை வடகொரியா நேற்று முன்தினம் சோதனை செய்தது. இந்த ஏவுகணை ஜப்பானின் வான்பரப்பை கடந்து சென்று பசிபிக் கடலில் விழுந்தது. இது வடகொரியா கடந்த ஒரு வாரத்தில் 5வது முறையாக நடத்திய சோதனையாகும்.

வட கொரியா 2017ம் ஆண்டுக்குப் பிறகு ஜப்பான் வான் எல்லைக்கு மேலே செலுத்தும் முதலாவது ஏவுகணை இதுவாகும். இதன் காரணமாக, ஹொக்கைடோ தீவு, அமோரி நகர மக்கள் பாதுகாப்பாக இருக்கும்படி ஜப்பான் அரசு எச்சரித்திருந்தது. இந்நிலையில், போர் பயிற்சியின் போது வடகொரியாவுக்கு பதிலடி கொடுக்கும் வகையில் உள்நாட்டில் தயாரிக்கப்பட்ட `ஹியூமோ-2’ என்ற 2 கண்டம் விட்டு கண்டம் பாயும் ஏவுகணைகளை தென்கொரியா ஏவியது. இதில், ஒரு ஏவுகணை நடுவானில் வெடித்து கேங்னுங் விமானப்படை தளத்தில் விழுந்து வெடித்தது. இதில் உயிர் சேதம் எதுவும் ஏற்படவில்லை. இதனால், பெரும் பரபரப்பு ஏற்பட்டது.

மேலும் செய்திகள்

Dinakaran Daily news
Like Us on Facebook Dinkaran Daily News
  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

படங்கள் வீடியோ கல்வி சினிமா ஜோ‌திட‌ம்