SUN குழுமத்திலிருந்து வெளிவரும் காலை நாளிதழ்

மகளிர் ஆசிய கோப்பை இந்தியாவுக்கு 2வது வெற்றி

2022-10-04@ 02:38:01

சில்ஹட்: வங்கதேசத்தில் நடைபெறும் 8வது மகளிர் ஆசிய கோப்பை டி20 போட்டித் தொடரில், இந்திய அணி தொடர்ச்சியாக 2வது வெற்றியை பதிவு செய்தது. முதல் போட்டியில் இலங்கை அணியை வீழ்த்தியிருந்த இந்திய அணி நேற்று மலேசியாவை எதிர்கொண்டது. டாஸ் வென்ற மலேசியா முதலில் பந்துவீச... இந்தியா 20 ஓவரில் 4 விக்கெட் இழப்புக்கு 181 ரன் குவித்தது. மேகனா 69 ரன் (53 பந்து, 11 பவுண்டரி, 1 சிக்சர்), ஷபாலி வர்மா 46 ரன் (39 பந்து, 1 பவுண்டரி, 3 சிக்சர்), ரிச்சா கோஷ் 33* ரன் விளாசினர். மலேசியா தரப்பில் வின்பிரட் துரைசிங்கம், நூர் டானியா தலா 2 விக்கெட் எடுத்தனர்.

இதையடுத்து 182 ரன் எடுத்தால் வெற்றி என்ற இலக்குடன்   மலேசியா களமிறங்கியது. அந்த அணி 5.2 ஓவரில் 2 விக்கெட் இழப்புக்கு 16 ரன்  எடுத்திருந்தபோது மழை குறுக்கிட்டதால் ஆட்டம் தடைபட்டது. மழை தொடர்ந்து பெய்ததால், டி/எல் விதிப்படி இந்தியா 30 ரன் வித்தியாசத்தில் வென்றதாக அறிவிக்கப்பட்டது. தொடர்ச்சியாக 2வது வெற்றியை பெற்ற இந்தியா, இன்று ஐக்கிய அரபு அமீரகத்துடன் மோதுகிறது.

Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்