SUN குழுமத்திலிருந்து வெளிவரும் காலை நாளிதழ்

Dinakaran Daily news

முதல் சுற்று தேர்தலில் யாரும் 50% வாக்குகளை பெறவில்லை: பிரேசில் அதிபரை தேர்வு செய்ய 2-வது சுற்று தேர்தல்

2022-10-03@ 14:00:36

பிரேசில் : பிரேசில் அதிபர் தேர்தலில் போட்டியிட்ட யாருக்கும் பெரும்பான்மை கிடைக்காததால் அதிக வாக்குகள் பெற்ற 2 போட்டியாளர்களான லூயிஸ் இனாசியோ லூலா டா சில்வா, ஜெயிர் போல்சனரோ இடையே விரைவில் இரண்டாம் சுற்று தேர்தல் நடைபெற உள்ளது. பிரேசில் அதிபர் தேர்தலில் நேற்று விறுவிறுப்பாக வாக்கு பதிவு நடைபெற்றது. நாடு முழுவதும் அமைக்கப்பட்டிருந்த ஆயிரக்கணக்கான வாக்குச் சாவடிகளில் மக்கள் வரிசையில் காத்திருந்து வாக்களித்தனர். இந்த தேர்தலில் தற்போதைய அதிபர் ஜெயிர் போல்சனரோ மீண்டும் போட்டியிடுகிறார்.

அதிபர் தேர்தலில் 9 பேர் போட்டியிட்டாலும் ஜெயிர் போல்சனரோவுக்கும், முன்னாள் அதிபர் ஊழல் வழக்கு சிறைவாசம் அனுபவித்து விட்டு வந்துள்ள இடதுசாரி வேட்பாளருமான லூயிஸ் இனாசியோ லூலா டா சில்வாவுக்கும் இடையில் தான் பலத்த போட்டி நிலவுகிறது. வாக்கு பதிவு முடிந்து வாக்குகள் உடனடியாக எண்ணப்பட்ட நிலையில் லூயிஸ் இனாசியோ லூலா டா சில்வா 48.43 விழுக்காடு வாக்குகளை பெற்றார். போல்சனரோவுக்கு 43.2 விழுக்காடு வாக்குகள் கிடைத்தன.

பிரேசில் நாட்டு தேர்தல் நடைமுறையின் படி அதிபர் தேர்தலில் போட்டியிடும் எந்த ஒரு வேட்பாளரும் 50 விழுக்காட்டிற்கும் அதிகமான வாக்குகளை பெற தவறினால் 2-ம் கட்ட தேர்தல் நடத்தப்பட்ட வேண்டும். முதல் கட்ட தேர்தலில் அதிக வாக்குகளை பெற்ற 2 வேட்பாளர்களுக்கிடையே 2-ம் கட்ட தேர்தல் நடைபெறும். எனவே, அதிபர் தேர்தலில் முதல் 2 இடத்தை பிடித்துள்ள லூயிஸ் இனாசியோ லூலா டா சில்வா மற்றும் ஜெயிர் போல்சனரோ ஆகியோர் 2-ம் கட்ட தேர்தலில் மோதுகின்றனர். உலகில் 4-வது மிகப்பெரிய ஜனநாயக நாடான பிரேசிலின் புதிய அதிபர் இனாசியோ லூலாவா, போல்சனரோவா என்பதற்கு இன்னும் ஒரு மாதத்தில் விடை கிடைத்துவிடும்.   

Dinakaran Daily news
Like Us on Facebook Dinkaran Daily News
  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

படங்கள் வீடியோ கல்வி சினிமா ஜோ‌திட‌ம்