SUN குழுமத்திலிருந்து வெளிவரும் காலை நாளிதழ்

'பிரிட்டிஷ் பேரரசை காந்தி எதிர்த்து போராடியது போல், காந்தியை சுட்டுக்கொன்ற சித்தாந்தத்துடன் காங். போராட்டம்': கொட்டும் மழையில் ஆவேசமாக பேசிய ராகுல்காந்தி..!!

2022-10-03@ 10:38:03

பெங்களூரு: பிரிட்டிஷ் பேரரசை காந்தி எதிர்த்து போராடியது போல் காந்தியை சுட்டுக்கொன்ற சித்தாந்தத்துடன் காங்கிரஸ் இன்று போராடி கொண்டிருப்பதாக கொட்டும் மழையிலும் ராகுல் காந்தி ஆவேசத்துடன் பேசியுள்ளார். தமிழ்நாடு, கேரளாவை தொடர்ந்து கர்நாடகாவில் இந்திய ஒற்றுமை நடைப்பயணத்தை ராகுல் காந்தி தொடங்குகிறார். காந்தி பிறந்தநாளை முன்னிட்டு மைசூரில் காங்கிரஸ் பொதுக்கூட்டத்தில் ராகுல் காந்தி பேச வந்தபோது திடீரென கனமழை பெய்ய தொடங்கியது.

ஆனாலும் கனமழையை பொருட்படுத்தாமல் நனைந்தபடியே உரையை தொடர்ந்தார் ராகுல் காந்தி. இடைவிடாது மழைக்கு மத்தியில் ராகுல் காந்தி பேச்சை நிறுத்திக்கொள்வார் அல்லது குடையை பிடித்தபடி உரையை தொடர்வார் என எதிர்பார்க்கப்பட்ட நிலையில், மழையில் நனைந்தபடியே ராகுல் காந்தி பேச்சை தொடர்ந்தபோது காங்கிரசார் ஆரவாரம் செய்தனர். பேரணியில் தன்னுடன் பங்கேற்றவருக்கும், பலத்த மழை பெய்தாலும் தனது பேச்சை கேட்டு ஆதரவு அளித்ததற்கும், காங்கிரஸ் கட்சியினருக்கு ராகுல்காந்தி நன்றி தெரிவித்தார்.

தொடர்ந்து பேசிய அவர், பிரிட்டிஷ் பேரரசை காந்தி எதிர்த்து போராடியது போல் காந்தியை சுட்டுக்கொன்ற சித்தாந்தத்துடன் காங்கிரஸ் இன்று போராடுவதாக கூறினார். அந்த சித்தாந்தம், சமத்துவமின்மை, பிரிவினை போன்றவற்றை ஏற்படுத்தியுள்ளதாக பாரதிய ஜனதா மற்றும் ஆர்.எஸ்.எஸ்-ஐ அவர் மறைமுகமாக சாடினார். கனமழையிலும் அவர் பேசும் வீடியோவை காங்கிரஸ் தலைவர்கள் பகிர்ந்து, ராகுல் காந்தியின் பயணத்தை இயற்கையால் மட்டுமல்ல, யாராலும் தடுக்க முடியாது என்று புகழாரம் சூட்டியுள்ளனர்.

மேலும் செய்திகள்

Like Us on Facebook Dinkaran Daily News
  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

படங்கள் வீடியோ கல்வி சினிமா ஜோ‌திட‌ம்