SUN குழுமத்திலிருந்து வெளிவரும் காலை நாளிதழ்

குடியாத்தம் அருகே வீட்டில் தனியாக வசித்த விவசாயியை அடித்துக்கொன்று 30 சவரன், பணம் கொள்ளை

2022-10-03@ 02:33:33

குடியாத்தம்: குடியாத்தம் அருகே வீட்டில் தனியாக வசித்து வந்த விவசாயியை அடித்துக்கொன்ற மர்மஆசாமிகள் 30 சவரன் நகைகள் மற்றும் பணத்தை கொள்ளையடித்து சென்றுள்ளனர். இதுதொடர்பாக உறவினர்கள் உட்பட பலரிடம் போலீசார் விசாரணை நடத்தி வருகின்றனர். வேலூர் மாவட்டம், குடியாத்தம் அடுத்த ஒலக்காசி கிராமத்தை சேர்ந்தவர் அண்ணாமலை (92). இவரது மனைவி சில ஆண்டுகளுக்கு முன்பு இறந்துவிட்டார். இவர்களுக்கு 4 மகள்கள் உள்ளனர்.அனைவருக்கும் திருமணமாகி தனியாக வசித்து வருகின்றனர். இதனால் அண்ணாமலை அவருக்கு சொந்தமான விவசாய நிலத்தில் வீடு கட்டி தனியாக வசித்து வந்தார். அவருக்கு உறவினர்கள் தினமும் உணவு கொடுத்து வந்துள்ளனர்.

அதன்படி, நேற்று முன்தினம் இரவு உறவினர் ஒருவர் உணவு கொடுக்க வந்தபோது அண்ணாமலை வீடு இருண்டு கிடந்தது. நுழைவாயில் பகுதியில் இருந்த பியூஸ் கேரியர் துண்டிக்கப்பட்டு மின் சப்ளை நிறுத்தப்பட்டிருந்தது. சந்தேகமடைந்து வீட்டிற்குள் சென்று பார்த்தபோது, ரத்தக்கரையோடு அண்ணாமலை சோபாவில் இறந்து கிடந்துள்ளார். அதிர்ச்சி அடைந்த உறவினர் அக்கம் பக்கத்தினர் உதவியுடன் அவரது சடலத்தை வீட்டின் வெளியே கொண்டு வந்தார். பின்னர் போலீசாருக்கு தெரியாமல் நேற்று அதிகாலை இறுதி சடங்கு செய்ய முடிவு செய்ததாக கூறப்படுகிறது.

தகவலறிந்து குடியாத்தம் தாலுகா போலீசார் நேற்று சடலத்தை கைப்பற்றி பிரேத பரிசோதனைக்காக வேலூர் அரசு மருத்துவமனைக்கு அனுப்பி வைத்தனர்.  முதற்கட்ட விசாரணையில், வீட்டில் தனியாக இருந்த முதியவரை கொலை செய்ய கொலையாளிகள், தங்களை அடையாளம் தெரியாமல் இருக்க பியூஸ் கேரியரை துண்டித்துள்ளனர் என தெரிய வந்தது. இதையடுத்து 6 பேர் கொண்ட தனிப்படை அமைத்து உறவினர்கள் உட்பட பலரிடம் போலீசார் விசாரித்து வருகின்றனர்.

மேலும் செய்திகள்

Like Us on Facebook Dinkaran Daily News
  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

படங்கள் வீடியோ கல்வி சினிமா ஜோ‌திட‌ம்