SUN குழுமத்திலிருந்து வெளிவரும் காலை நாளிதழ்

பொதுக்கூட்டத்திற்கு தாமதமாக வந்ததால் மன்னிப்பு கேட்டார் மோடி: ராஜஸ்தானில் நெகிழ்ச்சி

2022-10-02@ 01:40:57

ஜெய்ப்பூர்: கூட்டத்துக்கு தாமதம் ஆனதால் மக்களிடம் மண்டியிட்டு மன்னிப்பு கேட்டார் பிரதமர் மோடி. பிரதமர்  மோடி நேற்று முன்தினம் இரவு, ராஜஸ்தான், அபு ரோடு பகுதியில் நடந்த பொதுக்கூட்டத்தில் கலந்து கொண்டார். ஆனால் வரும் வழியில் பல நிகழ்ச்சிகளை முடித்துவிட்டு பொதுகூட்ட நிகழ்ச்சிக்கு வர தாமதமானது.  ஒலிபெருக்கி இல்லாமலேயே  அவர் பேசினார். மோடி பேசும்போது, ‘‘இரவு 10 மணிக்கு மேல் ஒலிபெருக்கியில் பேசுவது சரியாக இருக்காது என்று என் மனசாட்சி கூறுகிறது, எனவே உங்கள் முன்பு நான் பகிரங்கமாக மன்னிப்பு கேட்டுக்கொள்கிறேன்.

மேலும், நான் நிச்சயம் மீண்டும் இங்கு வருவேன், நீங்கள் எனக்கு காட்டிய அன்பையும் பாசத்தையும் வட்டியுடன் திருப்பித் தருவேன்’’ என்றார். மேடையில் மக்கள் முன் மோடி மண்டியிட்டு மன்னிப்பு கேட்ட வீடியோ சமூக வலைதளங்களில் வைரலாக பரவியது. இது குறித்து ராஜஸ்தான்  பாஜ தலைவர் சதீஷ் பூனியா கருத்து தெரிவிக்கையில் ‘‘குஜராத் சட்டமன்றத் தேர்தல் விரைவில் நடைபெற உள்ள நிலையில் மாநிலத்தின் எல்லையான ராஜஸ்தானில் தொண்டர்களுக்கு உத்வேகம் அளிக்க கூட்டம் ஏற்பாடு செய்யப்பட்டிருந்தது’’ என்றார்.

*இதெல்லாம் எங்ககிட்ட வேணாம்
மோடி மன்னிப்பு கேட்டது குறித்து ராஜஸ்தான் முதல்வர் அசோக் கெலாட் கூறுகையில், ‘‘நான்  எளிமையானவன் என்ற இமேஜ் உள்ளது என்பது அவருக்கு  (மோடி) தெரியும்.  மூன்று  முறை மண்டியிட்டு மன்னிப்பு கேட்டு நானும் கெலாட்டை போல் பணிவானவன்  என்று காட்ட முயற்சிக்கிறீர்களா. இது போன்று  செய்வதை விடுத்து, நாட்டு  மக்களிடம் அன்பை காட்டுங்கள்’’ என்றார்.

மேலும் செய்திகள்

Like Us on Facebook Dinkaran Daily News
  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

  • kolathur-chennai

    சென்னை கொளத்தூரில் 1.27 கோடியில் இறகுப்பந்து விளையாட்டு அரங்கை திறந்து வைத்து வீரர்களுடன் உற்சாகமாக விளையாடிய முதல்வர் மு.க.ஸ்டாலின்..!!

  • china-factory-fire-22

    சீனாவில் ரசாயன தொழிற்சாலையில் பயங்கர தீ விபத்து; 36 பேர் உயிரிழப்பு..!!

  • newyork-blizzard

    நியூயார்க்கில் பனிப்புயல் வீசுவதால் வீட்டிற்குள் முடங்கிய மக்கள்..!

படங்கள் வீடியோ கல்வி சினிமா ஜோ‌திட‌ம்