SUN குழுமத்திலிருந்து வெளிவரும் காலை நாளிதழ்

வேலூரில் மீண்டும் பரபரப்பு; சாலையோரம் பறக்கவிடப்பட்ட ரூ.14 லட்சம் கள்ள நோட்டுகள் போட்டிப்போட்டு சேகரித்த மக்கள்; போலீஸ் கைப்பற்றியது

2022-10-02@ 01:27:11

வேலூர்: வேலூர் அடுத்த  பள்ளிகொண்டாவில் தேசிய நெடுஞ்சாலையோரம் கார் ஒன்றில் இருந்து 4 பேர் கொண்ட கும்பல் ரூ.14.70 கோடி நோட்டு கட்டுகள் கொண்ட 30 பண்டல்களை லாரியில் ஏற்றியபோது பிடிபட்டனர். இந்த பரபரப்பு அடங்குவதற்குள் மீண்டும் மற்றொரு சம்பவம் நடந்துள்ளது. வேலூர் கொணவட்டம் தேசிய நெடுஞ்சாலையோரம் சர்வீஸ் சாலையில் நேற்று காலை பொதுமக்கள் நடந்து சென்று கொண்டிருந்தனர். அப்போது தேசிய நெடுஞ்சாலையில் காரில் சென்ற ஒருவர் திடீரென 500 ரூபாய் நோட்டு கட்டுகளை சர்வீஸ் சாலையோரம் வீசியபடி சென்றார். அவ்வழியாக சென்றவர்கள் அவற்றை எடுத்து பார்த்தனர். அவை புதிய ரூ. 500 நோட்டுகளாக இருந்தது.

கைக்கு கிடைத்த வரை லாபம் என்று போட்டிபோட்டு சேகரித்தனர். தகவலறிந்து வடக்கு போலீசார் வந்து ரூபாய் நோட்டுகளை பார்த்தபோது அவை கள்ளநோட்டுகள் என தெரியவந்தது. இதனை அங்கிருந்தவர்களிடம் கூறினர். இதனால் ஏமாற்றமடைந்தவர்கள், தாங்கள் சேகரித்த நோட்டுகளை போலீசாரிடம் கொடுத்துவிட்டு சென்றனர். இதில் ரூ.14.50 லட்சம் கள்ள நோட்டுகள் சிக்கின. வாகன சோதனையில் போலீசாரிடம் சிக்கிவிடுவோம் என்ற பயத்தில் கள்ள நோட்டு கும்பல் சாலையோரம் கள்ளநோட்டுகளை வீசிச்சென்றிருக்கலாம் என்று தெரிகிறது. அவர்களை போலீசார் தேடி வருகின்றனர்.

மேலும் செய்திகள்

Like Us on Facebook Dinkaran Daily News
  • thaliand-monkey

    தாய்லாந்தில் சுற்றுலா பயணிகளை பெரிதும் ஈர்த்த குரங்கு படையல் திருவிழா கோலாகலமாக நடைபெற்றது..!

  • light-show-28

    பாரிசில் கண்கவர் ஒளி கண்காட்சி: மெய்சிலிர்க்க வைக்கும் வண்ணப் பூச்சிகள்..!!

  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

படங்கள் வீடியோ கல்வி சினிமா ஜோ‌திட‌ம்