SUN குழுமத்திலிருந்து வெளிவரும் காலை நாளிதழ்

எய்ம்ஸ் மருத்துவமனைக்கான இடம் மைதானமாக உள்ளது: தவறான தகவல் மீது நடவடிக்கை கோரி எஸ்பியிடம் மனு

2022-09-27@ 00:52:08

மதுரை: மதுரை எய்ம்ஸ் மருத்துவமனைக்கான இடம் மைதானமாக இருப்பதால் தவறான தகவல்கள் மீது உரிய நடவடிக்கை எடுக்க வேண்டுமென எஸ்பிக்கு புகார் மனு அளிக்கப்பட்டுள்ளது. தமிழகம் வந்த பாஜ தேசிய தலைவர் ஜே.பி.நட்டா, மதுரை எய்ம்ஸ் மருத்துவமனையில் 750 படுக்கைகள், 250 ஐசியூ படுக்கைகளுடன் கூடிய மருத்துவமனை கட்டுமானப் பூர்வாங்கப் பணிகள் 95 சதவீதம் முடிந்துள்ளதாக கூறியிருந்தார். மதுரை எய்ம்ஸ் மருத்துவமனைக்கான கட்டுமானப் பணிகள் துவங்காத நிலையில் நட்டாவின் அறிவிப்பு தென்மாவட்ட மக்களிடம் கடும் அதிர்ச்சியை ஏற்படுத்தியது. மதுரை எய்ம்ஸ் மருத்துவமனைக்கு இன்னும் நிதி ஒதுக்காததால் நீதிமன்ற அவமதிப்பு வழக்கு தொடர்ந்த சமூக ஆர்வலர் கே.கே.ரமேஷ், மதுரை எஸ்பி மற்றும் ஆஸ்டின்பட்டி போலீசாருக்கு இ-மெயில் மற்றும் பதிவுத்தபால் மூலம் புகார் அளித்துள்ளார்.

அதில், ‘‘எய்ம்ஸ் மருத்துவமனை அமைப்பது தொடர்பான நீதிமன்ற அவமதிப்பு வழக்கு நிலுவையில் உள்ளது. பணிகள் துவங்கப்படாத நிலையில் நட்டாவின் அறிவிப்பு அதிர்ச்சியைத் தந்தது. இதையடுத்து நான் உடனடியாக எய்ம்ஸ் மருத்துவமனைக்கான பகுதியை நேரில் சென்று ஆய்வு செய்தேன். சுற்றுச்சுவர் மட்டும் தான் உள்ளது. இன்னும் கட்டுமானப் பணிகள் துவங்கவே இல்லை. இடம் முழுக்க மைதானமாகத்தான் உள்ளது. எனவே, எய்ம்ஸ் மருத்துவமனைக்கான கட்டுமானப் பணிகள் 95 சதவீதம் முடிந்துவிட்டதாக தகவல் தெரிவிப்போர் மீது உரிய நடவடிக்கை எடுக்க வேண்டும்’’ என்று கூறியுள்ளார்.

மேலும் செய்திகள்

Like Us on Facebook Dinkaran Daily News
  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

படங்கள் வீடியோ கல்வி சினிமா ஜோ‌திட‌ம்