SUN குழுமத்திலிருந்து வெளிவரும் காலை நாளிதழ்

Dinakaran Daily news

விராட், சூர்யகுமார் அசத்தல் 3வது டி20ல் இந்தியா வெற்றி

2022-09-26@ 03:16:25

ஐதராபாத்: ஆஸ்திரேலிய அணியுடனான 3வது டி20 போட்டியில், 6  விக்கெட் வித்தியாசத்தில் வென்ற இந்தியா 2-1 என்ற கணக்கில் தொடரை கைப்பற்றியது.
ராஜிவ் சர்வதேச ஸ்டேடியத்தில் நேற்று இரவு நடந்த இப்போட்டியில், டாஸ் வென்ற இந்திய அணி கேப்டன் ரோகித் முதலில் பந்துவீச முடிவு செய்தார். கிரீன், கேப்டன் பிஞ்ச் இருவரும் ஆஸி. இன்னிங்சை தொடங்கினர். பிஞ்ச் 7 ரன்னில் வெளியேற, அதிரடியாக விளையாடிய கிரீன் 19 பந்தில் அரை சதம் அடித்து அசத்தினார். அவர் 52 ரன் (21 பந்து, 7 பவுண்டரி, 3 சிக்சர்) விளாசி புவனேஷ்வர் வேகத்தில் ராகுல் வசம் பிடிபட்டார். மேக்ஸ்வெல் 6 ரன்னில் ரன் அவுட்டாக, ஸ்மித் 9 ரன் எடுத்து பெவிலியன் திரும்பினார். இங்லிஸ் 24 ரன், மேத்யூ வேட் 1 ரன் எடுத்து வெளியேறினர்.

ஆஸி. அணி 13.5 ஓவரில் 117 ரன்னுக்கு 6 விக்கெட் இழந்து தடுமாறிய நிலையில், டேவிட் -  சாம்ஸ் இணைந்து அதிரடியில் இறங்க, ஆஸி. ஸ்கோர் மளமளவென உயர்ந்தது. டேவிட் 54 ரன் (27 பந்து, 2 பவுண்டரி, 4 சிக்சர்) விளாசி ஹர்ஷல் பந்துவீச்சில் ரோகித் வசம் பிடிபட்டார். ஆஸ்திரேலியா 20 ஓவரில் 7 விக்கெட் இழப்புக்கு 186 ரன் குவித்தது. சாம்ஸ் 28 ரன், கம்மின்ஸ் (0) ஆட்டமிழக்காமல் இருந்தனர். இந்திய பந்துவீச்சில் அக்சர் 3, புவனேஷ்வர், சாஹல், ஹர்ஷல் தலா 1 விக்கெட் வீழ்த்தினர். அடுத்து களமிறங்கிய இந்தியா 19.5 ஓவரில் 4 விக்கெட் இழப்புக்கு 187  ரன் எடுத்து வென்றது. சூர்யகுமார் யாதவ் 69 ரன் (36 பந்து, 5 பவுண்டரி, 5 சிக்சர்), விராட் கோலி 63 ரன் (48 பந்து, 3 பவுண்டரி, 4  சிக்சர்) விளாசினர்.  பாண்டியா 25  ரன், ரோகித் சர்மா 17  ரன் எடுத்தனர். இந்தியா 2-1 என்ற கணக்கில் தொடரை கைப்பற்றியது.

மேலும் செய்திகள்

Dinakaran Daily news
Like Us on Facebook Dinkaran Daily News
  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

படங்கள் வீடியோ கல்வி சினிமா ஜோ‌திட‌ம்