SUN குழுமத்திலிருந்து வெளிவரும் காலை நாளிதழ்

தண்ணீர் போன்ற குழம்பு வெந்தும் வேகாத ரொட்டி: உபி போலீஸ்காரர் கதறல்

2022-08-12@ 00:15:49

பெரோசாபாத்: உத்தர பிரதேசத்தில் போலீசாருக்கு வழங்கப்படும் தரமற்ற உணவு குறித்து கான் ஸ்டபிள் ஒருவர் கண்ணீர் மல்க வெளியிட்டுள்ள வீடியோ சமூக வலைதளத்தில் வைரலாகி உள்ளது. உத்தர பிரதேசத்தில் முதல்வர் யோகி ஆதித்யநாத் தலைமையிலான பாஜ ஆட்சி நடக்கிறது. இங்கு போலீசாருக்கு கேன்டீனில் வழங்கப்படும் தரமற்ற உணவு குறித்து பெரோசாபாத் நகர காவலர் மனோஜ் குமார் என்பவர் கையில் தட்டுடன் போராட்டத்தில் ஈடுபட்டு, கண்ணீர் சிந்தும் வீடியோ வைரலாகி இருக்கிறது. அந்த வீடியோவில், கையில் தட்டுடன் நடுவீதிக்கு வந்து திடீரென அழ தொடங்கும் மனோஜ், ‘போலீசாருக்கு கேன்டீனில் வழங்கும் உணவை பாருங்கள்.

தண்ணீர் போன்ற பருப்பு குழம்பு, வெந்தும் வேகாத ரொட்டி வழங்கப்படுகிறது. வயிற்றில் எதுவும் இல்லாதபோது, கடமைகளை எப்படி செய்ய முடியும்?’ என கேட்டு போராட்டத்தில் ஈடுபட்டார். அவர் மேலும் கூறும் போது, ‘போலீசாருக்கு ஊட்டச்சத்து உணவு அளிப்பதற்காக, ஒரு போலீசாருக்கு ரூ.1,875 ஒதுக்கப்படும் என முதல்வர் யோகி உறுதியளித்த நிலையில், போலீசாருக்கு தரம் குறைந்த உணவு வழங்கப்படுகிறது,’ என வீடியோவில் கூறியுள்ளார். இந்த வீடியோ சமூக வலைதளங்களில் வைரலாகி இருக்கிறது. இது பற்றி விசாரிக்க உயர் அதிகாரிகளுக்கு உத்தரவிடப்பட்டு உள்ளது. அதேபோல், தாமதமாக பணிக்கு வருதல், அடிக்கடி விடுப்பு எடுத்தல் உட்பட மனோஜ் மீது நிலுவையில் உள்ள 15 குற்றச்சாட்டுகள் பற்றி விசாரிக்கவும் உத்தரவிடப்பட்டு உள்ளது.

மேலும் செய்திகள்

Like Us on Facebook Dinkaran Daily News
  • nia-23-kerala

    பிஎஃப்ஐ இடங்களில் என்ஐஏ சோதனைக்கு கண்டனம்: கேரளாவில் முழு அடைப்பு; வாகன கண்ணாடி உடைப்பு; பெட்ரோல் குண்டு வீச்சு..!!

  • ship-22

    இஸ்ரேல் கடற்கரையில் 1300 ஆண்டுகள் பழமையான கப்பல் கண்டுபிடிப்பு..!!

  • putin-action-protest

    புடின் அதிரடி உத்தரவு! ரஷ்யா முழுவதும் வெடித்த போராட்டம் - நூற்றுக்கணக்கானோர் கைது

  • iran_ladies

    ஈரானில் கொடூரம்: ஹிஜாப் சரியாக அணியாத பெண்ணை அடித்துக்கொன்ற போலீஸ்... முஸ்லிம் பெண்கள் தொடர் போராட்டம்

  • INS_ship

    நீண்ட சேவையில் இருந்து விடைபெற்றது INS அஜய் போர்க்கப்பல்..!!

படங்கள் வீடியோ கல்வி சினிமா ஜோ‌திட‌ம்