SUN குழுமத்திலிருந்து வெளிவரும் காலை நாளிதழ்

சீனாவுக்கு போட்டியாக தைவான் போர் பயிற்சி: மேலும் பதற்றம் அதிகரிப்பு

2022-08-10@ 00:20:31

பிங்டங்: சீனாவுக்கு போட்டியாக தைவானும் போர் பயிற்சியை தொடங்கி இருப்பதால் பதற்றம் மேலும் அதிகரித்துள்ளது. சீனா தனது நாட்டின் ஒருபகுதியாக சொந்தம் கொண்டாடும் தைவானுக்கு அமெரிக்க நாடாளுமன்ற சபாநாயகர் நான்சி பெலோசி சமீபத்தில் பயணம் மேற்கொண்டார். கடும் எதிர்ப்பு தெரிவித்த நிலையிலும், பெலோசி தைவானுக்கு சென்றதால் ஆத்திரமடைந்த சீனா, தைவானை மிரட்டும் வகையில் 100 போர் விமானங்கள், போர் கப்பல்களுடன் தைவான் ஜலசந்தியில் போர் பயிற்சியை தொடங்கியது.

தைவான் வான்வெளியிலும் சீன விமானங்கள் பறந்து பயிற்சி மேற்கொண்டதால் போர் பதற்றம் நிலவுகிறது. 4 நாள் நடப்பதாக கூறிய சீன போர் பயிற்சி 6வது நாளாக நேற்றும் தொடர்கிறது. இந்நிலையில், சீனாவுக்கு போட்டியாக தைவானும் நேற்று போர் பயிற்சியை தொடங்கியது. தென்மேற்கு கடற்கரையில் அமைந்துள்ள பிங்டங் மாவட்ட பகுதியில் உண்மையான வெடிகுண்டுகளை பயன்படுத்தி தைவான் ராணுவம் போர் பயிற்சியில் ஈடுபட்டுள்ளது.

இது, தனது சொந்த நாட்டை காப்பாற்றிக் கொள்வதற்காக நடக்கும் பயிற்சி என கூறி உள்ள தைவான் ராணுவம், தனது எல்லையில் ஊடுருவவோ, நிலையை மாற்றவோ சீனாவுக்கு எந்த அதிகாரமும் இல்லை என எச்சரிக்கை விடுத்துள்ளது. இதனால், சீனா-தைவான் இடையேயான போர் பதற்றம் மேலும் அதிகரித்துள்ளது.

மேலும் செய்திகள்

Like Us on Facebook Dinkaran Daily News
  • tirupati-4th-day-30

    திருப்பதி பிரமோற்சவம்: 4ம் நாளில் கற்பக விருட்ச வாகனத்தில் ராஜமன்னார் அலங்காரத்தில் மலையப்ப சுவாமி வீதி உலா..!!

  • ian-florida

    புளோரிடாவில் இயான் சூறாவளியால் கடுமையான சேதம்.. மக்களின் இயல்பு வாழ்க்கை முடக்கம்..!

  • America_electric plane

    முற்றிலும் மின்சாரத்தில் இயங்கும் முதல் விமானம்!: அமெரிக்காவில் சோதனை ஓட்டம் வெற்றி...!!

  • chennai-heavy-rain

    சென்னையில் பல்வேறு இடங்களில் இடியுடன் கனமழை

  • tirupati-brahmotsavam-28

    கோவிந்தா! கோவிந்தா!: திருப்பதி ஏழுமலையான் கோயிலில் 2ம் நாள் பிரமோற்சவம் கோலாகலம்.. சின்ன சேஷ வாகனத்தில் மலையப்ப சுவாமி வீதியுலா..!!

படங்கள் வீடியோ கல்வி சினிமா ஜோ‌திட‌ம்