SUN குழுமத்திலிருந்து வெளிவரும் காலை நாளிதழ்

பெருக்கெடுத்து ஓடும் வெள்ளம்!: காவிரி ஆற்றில் இறங்க வேண்டாம்..எச்சரித்த வி.ஏ.ஓ. உதவியாளரை தாக்கிய தந்தை, மகன் கைது..!!

2022-08-08@ 10:37:31

கரூர்: காவிரி ஆற்றில் இறங்க வேண்டாம் என எச்சரித்த வி.ஏ.ஓ. உதவியாளரை தாக்கிய தந்தை, மகன் கைது செய்யப்பட்டனர். நாமக்கல் மாவட்டம் பள்ளிபாளையம் அருகே பெருக்கெடுத்து ஓடும் காவிரி ஆற்றின் பாலத்தின் பொதுமக்கள் செல்பி எடுப்பு மற்றும் வேடிக்கை பார்ப்பது ஆபத்தானது என்று போலீசார் எச்சரித்துள்ளனர். மேட்டூர் அணை அதன் முழு கொள்ளளவை எட்டியதை அடுத்து கர்நாடக மாநிலத்தில் இருந்து உபரி நீர் அனைத்தும் காவிரி ஆற்றில் திறந்துவிடப்படுகிறது. இதனால் காவிரி கரையோர கிராமங்களில் வசிக்கும் மக்களை வெளியேற்றி அவர்களை பாதுகாப்பான இடங்களில் வருவாய்த்துறையினர் தங்க வைத்துள்ளனர்.

இந்நிலையில் நாமக்கல் மாவட்டம் பள்ளிபாளையத்தையும், ஈரோடு மாவட்டம் கருங்கல்பாளையத்தையும் இணைக்கும் பாலத்தின் மீது ஏராளமான பொதுமக்கள் கூடி காவிரி ஆற்றின் வெள்ளப்பெருக்கை ரசித்தனர். போலீசாரின் எச்சரிக்கையும் மீறி பலர் செல்பி எடுத்ததால் போக்குவரத்தும் பாதிக்கப்பட்டது. இதனிடையே கரூர் மாவட்டம் குளித்தலை கடம்பன்துறையில் பாதுகாப்பு பணியில் ஈடுபட்டிருந்த கிராம நிர்வாக உதவியாளரை தாக்கியதாக கோவையில் இருந்து சுற்றுலா வந்த தந்தை, மகன் கைது செய்யப்பட்டுள்ளனர்.

காவிரி ஆற்றில் வெள்ளம் பெருக்கெடுத்து ஓடும் நிலையில், அபாய எச்சரிக்கையும் மீறி இவர்கள் இருவரும் நீரில் இறங்க முயன்றனர். அதை தடுத்த வி.ஏ.ஓ. உதவியாளர் ரத்தினத்தை, சுப்பிரமணி, கோபால கிருஷ்ணன் ஆகியோர் தாக்கியதாக தெரிகிறது. இருவரையும் போலீசார் கைது செய்து சிறையில் அடைத்தனர். இந்த தாக்குதல் சம்பவத்தில் காயமடைந்த ரத்தினத்திற்கு மருத்துவமனையில் சிகிச்சை அளிக்கப்பட்டு வருகிறது.

மேலும் செய்திகள்

Like Us on Facebook Dinkaran Daily News
  • gandhi-birthday

    காந்தி பிறந்தநாளையொட்டி கண்கவர் டிரோன் கண்காட்சி

  • tirupati-4th-day-30

    திருப்பதி பிரமோற்சவம்: 4ம் நாளில் கற்பக விருட்ச வாகனத்தில் ராஜமன்னார் அலங்காரத்தில் மலையப்ப சுவாமி வீதி உலா..!!

  • ian-florida

    புளோரிடாவில் இயான் சூறாவளியால் கடுமையான சேதம்.. மக்களின் இயல்பு வாழ்க்கை முடக்கம்..!

  • America_electric plane

    முற்றிலும் மின்சாரத்தில் இயங்கும் முதல் விமானம்!: அமெரிக்காவில் சோதனை ஓட்டம் வெற்றி...!!

  • chennai-heavy-rain

    சென்னையில் பல்வேறு இடங்களில் இடியுடன் கனமழை

படங்கள் வீடியோ கல்வி சினிமா ஜோ‌திட‌ம்