SUN குழுமத்திலிருந்து வெளிவரும் காலை நாளிதழ்

இன்று பிரிவு உபசார விழா துணை ஜனாதிபதியுடன் ஜெகதீப் தன்கர் சந்திப்பு

2022-08-08@ 00:48:54

புதுடெல்லி: நாட்டின் புதிய துணை ஜனாதிபதியாக தேர்வாகி உள்ள ஜெகதீப் தன்கர் துணை ஜனாதிபதி வெங்கையா நாயுடுவை நேற்று சந்தித்தார்.
துணை ஜனாதிபதி வெங்கையா நாயுடுவின் பதவிக்காலம் நாளை மறுநாளுடன் முடிவடைகிறது. இதனையொட்டி கடந்த 6ம் தேதி நடந்த தேர்தலில் ஜகதீப் தன்கர் நாட்டின் 14வது துணை ஜனாதிபதியாக வெற்றி பெற்றார். வரும் 11ம் தேதி பதவியேற்க இருக்கும் தன்கர், துணை ஜனாதிபதி வெங்கையா நாயுடுவை அவரது மாளிகையில் நேற்று சந்தித்தார். அவரையும் அவரது மனைவி சுதேஷ் தன்கரை, வெங்கையா நாயுடுவும் அவரது துணைவியார் உஷா நாயுடுவும் வரவேற்றனர்.

இந்த சந்திப்பு 30 நிமிடங்கள் நீடித்ததாகவும் அப்போது வெங்கையா நாயுடு துணை ஜனாதிபதி மாளிகையில் பணியாற்றும் அதிகாரிகளை தன்கருக்கு அறிமுகப்படுத்தி வைத்ததாக துணை ஜனாதிபதியின் அதிகாரப்பூர்வ டிவிட்டர் பக்கத்தில் கூறப்பட்டுள்ளது. தன்கரும் துணை ஜனாதிபதி வெங்கையா நாயுடு உடன் எடுத்த புகைப்படங்களை அவரது டிவிட்டர் பக்கத்தில் பதிவிட்டுள்ளார். முன்னதாக, அசாம் ஆளுநர் ஜகதீஷ் முகி, ராஜஸ்தான் ஆளுநர் கல்ராஜ் மிஸ்ரா, பாஜ செய்தி தொடர்பாளர் சம்பிட் பத்ரா, பாஜ தேசிய செயலாளர் சுனில் தியோதர் ஆகியோர் தன்கரை சந்தித்தனர். பதவியை நிறைவு செய்யும், துணை ஜனாதிபதி வெங்கையா நாயுடுவுக்கு இன்று பிரிவு உபசார விழா நடக்கிறது.

மேலும் செய்திகள்

Like Us on Facebook Dinkaran Daily News
  • orange-tree-wishes-27

    ஆரஞ்சு மரத்தை அதிர்ஷ்டமாக கருதும் ஹாங்காங் மக்கள்: வேண்டுதல்களை தாள்களில் எழுதி மரத்தில் தொங்கவிட்டு பிரார்த்தனை..!!

  • pet-fesitival-mumbai

    மும்பையில் கோலாகலமாக நடைபெற்ற செல்லப் பிராணிகள் திருவிழா: லிம்கா சாதனைப் புத்தகத்தில் இடம்பெற்றுள்ள Pet Fed நிகழ்ச்சி

  • france-reform

    பிரான்ஸ் அரசின் ஓய்வூதிய சீர்திருத்தக் கொள்கைக்கு எதிர்ப்பு: அதிபர் மேக்ரான் அரசுக்கு எதிராக நாடு தழுவிய போராட்டம்..!!

  • new-parliament-pic-20

    பெரிய அரங்குகள், நூலகங்கள், நவீன வசதிகள்: புதிய நாடாளுமன்ற கட்டடத்தின் மாதிரி புகைப்படங்கள் வெளியீடு..!!

  • cong-ravi-19

    தமிழ்நாடு பெயரை மாற்றுமாறு கூறிய ஆளுநர் ரவிக்கு எதிர்ப்பு தெரிவித்து காங். கட்சியினர் கண்டன ஆர்ப்பாட்டம்..!!

படங்கள் வீடியோ கல்வி சினிமா ஜோ‌திட‌ம்