SUN குழுமத்திலிருந்து வெளிவரும் காலை நாளிதழ்

கொரோனா தொற்று பரவாமல் கட்டுப்படுத்த பொது இடங்களில் முகக்கவசம் அணியவில்லை என்றால் ரூ. 500 அபராதம்; மாநகர காவல் துறை எச்சரிக்கை

2022-07-07@ 15:44:54

சென்னை: சென்னையில் பொது இடங்களில் முகக்கவசம் அணியவில்லை என்றால் ரூ.500 அபராதம் விதிக்கப்படும் என்று மாநகர காவல் துறை எச்சரிக்கை விடுத்துள்ளது.
இதுகுறித்து சென்னை மாநகர காவல்துறை வெளியிட்டுள்ள அறிக்கையில் கூறியிருப்பதாவது: தமிழகத்தில் கொரோனா தொற்று பரவாமல் தடுக்க தமிழக அரசால் பல்வேறு தடுப்பு நடவடிக்கைகள் எடுக்கப்பட்டு நோய் பரவல் சற்று ஓய்ந்த நிலையில் கடந்த 2 வாரங்களாக சென்னை பெருநகர் உட்பட தமிழகத்தில் கொரோனா பரவல் அதிகரித்து வருகிறது.

கொரோனா தொற்று பரவலை கட்டுப்படுத்த நிலையான வழிகாட்டுதல் நெறிமுறையான முகக்கவசம் அணிதல், சமூக இடைவெளி கடைபிடித்தல், திரவ சுத்திகரிப்பான் கொண்டு கைகளை சுத்தம் செய்தல் ஆகியவற்றை பொதுமக்கள் கடைபிடிக்க வேண்டும் என அறிவுறுத்தப்பட்டுள்ளது.

எனவே, சென்னை பெருநகரில் கொரோனா தொற்று பரவலை கட்டுப்படுத்த, பொதுமக்கள் அதிகம் கூடுமிடங்களான மார்க்கெட் பகுதிகள், அங்காடிகள், வணிக வளாகங்கள், திரையரங்குகள், அரசு மற்றும் தனியார் அலுவலகங்கள், மருத்துவமனைகள், பேருந்து நிலையங்கள், ரயில் நிலையங்கள், பூங்காக்கள் மற்றும் ஏனைய பொது இடங்களில் ‘பொதுமக்கள் கட்டாயம் முகக்கவசம் அணிய வேண்டும்’ எனவும், பொது இடங்களில் முகக்கவசம் அணியாத நபர்களுக்கு நேற்று முதல் தமிழ்நாடு பொது சுகாதார சட்டம் 1939ன் படி ரூ.500 அபராதம் விதிக்கப்படும் என சென்னை பெருநகர காவல் துறை சார்பாக தெரிவித்துக்கொள்கிறோம்.

கொரோனா தொற்று பரவாமல் தடுக்க பொது இடங்களில் மக்கள் முகக்கவசம் அணிந்து ஒத்துழைப்பு நல்குமாறு கேட்டுக்கொள்ளப்படுகின்றனர்.
இவ்வாறு அதில் கூறப்பட்டுள்ளது.

மேலும் செய்திகள்

LikeGamezop
Like Us on Facebook Dinkaran Daily News
  • inde-12

    நாட்டின் 75-வது சுதந்திர தின கொண்டாட்டம்: மூவர்ண விளக்குகளால் ஜொலிக்கும் ஒன்றிய, மாநில அரசு கட்டடங்கள்..!!

  • drugs-11

    போதையைத் தவிர்..கல்வியால் நிமிர்!: தமிழக பள்ளி மாணவர்கள் போதைக்கு எதிராக உறுதிமொழி ஏற்பு..!!

  • cuba-fire-accident

    கியூபாவில் பயங்கர தீ விபத்து: 17 பேர் பலி..!!

  • south korea

    தென்கொரியாவை புரட்டிபோட்ட கனமழை!! இதுவரை 9 பேர் பலி..

  • birds-flu-10

    பிரிட்டன் ஃபார்ன் தீவில் பரவும் பறவை காய்ச்சல்: ஆயிரக்கணக்கான பறவைகள் துடிதுடித்து இறப்பு..!!

படங்கள் வீடியோ கல்வி சினிமா ஜோ‌திட‌ம்