SUN குழுமத்திலிருந்து வெளிவரும் காலை நாளிதழ்

துரைப்பாக்கம், ஒக்கியம்பேட்டையில் ரூ257 கோடியில் பாதாள சாக்கடை: அமைச்சர் மா.சுப்பிரமணியன் தகவல்

2022-07-06@ 17:43:06

துரைப்பாக்கம்: துரைப்பாக்கம், ஒக்கியம்பேட்டை உள்ளிட்ட பல்வேறு பகுதிகளில் ரூ257 கோடி மதிப்பில் பாதாள சாக்கடை திட்டப்பணிகள் விரைவில் துவங்கும் என அமைச்சர் மா.சுப்பிரமணியன் தெரிவித்தார். சோழிங்கநல்லூர் சட்டமன்றத் தொகுதிக்கு உட்பட்ட துரைப்பாக்கம், எழில் நகரில் ரூ1.30 கோடி மதிப்பில் குடிநீர் வழங்கும் திட்டத்தை நேற்று மருத்துவம் மற்றும் மக்கள் நல்வாழ்வு துறை அமைச்சர் மா.சுப்பிரமணியன் துவக்கிவைத்து பேசுகையில், ‘கடந்த அக்டோபர் மாதம் கண்ணகி நகர், எழில் நகர் பகுதிகளில் தமிழக முதல்வர் மு.க.ஸ்டாலின் தடுப்பூசி போடும் பணிகளை ஆய்வு செய்தார்.

அப்போது எங்கள் பகுதிக்கு 6 நாட்களுக்கு ஒருமுறைதான் குடிநீர் வழங்கப்படுகிறது. எங்களுக்கு கூடுதல் குடிநீர் வழங்க வேண்டும் என எழில்நகர் பகுதி பெண்கள் முறையிட்டனர். இதைத் தொடர்ந்து, தற்போது ஓஎம்ஆர் பிரதான சாலையில் இருந்து எழில் நகர், சுனாமி குடியிருப்பை சேர்ந்த 8 ஆயிரம் வீடுகளுக்கு ரூ1.30 கோடி மதிப்பில் புதிதாக கூடுதல் குடிநீர் வழங்கும் திட்டம் நிறைவேற்றப்பட்டு உள்ளது. மேலும் ஒக்கியம்பேட்டை, நேரு நகர், மேட்டுக்குப்பம், துரைப்பாக்கம் ஆகிய 4 பகுதிகளில் ரூ256.91 கோடி மதிப்பில் புதிதாக பாதாள சாக்கடை திட்டப் பணிகள் துவங்க உள்ளன’ என்றார்.

இதில் அரவிந்த் ரமேஷ் எம்எல்ஏ, மண்டல குழு தலைவர்கள் மதியழகன், எஸ்.வி.ரவிச்சந்திரன், 195வது வார்டு உறுப்பினர் ஏகாம்பரம், குடிநீர் வாரிய அதிகாரிகள் உள்பட பலர் கலந்து கொண்டனர்.

மேலும் செய்திகள்

Like Us on Facebook Dinkaran Daily News
  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

  • kolathur-chennai

    சென்னை கொளத்தூரில் 1.27 கோடியில் இறகுப்பந்து விளையாட்டு அரங்கை திறந்து வைத்து வீரர்களுடன் உற்சாகமாக விளையாடிய முதல்வர் மு.க.ஸ்டாலின்..!!

  • china-factory-fire-22

    சீனாவில் ரசாயன தொழிற்சாலையில் பயங்கர தீ விபத்து; 36 பேர் உயிரிழப்பு..!!

படங்கள் வீடியோ கல்வி சினிமா ஜோ‌திட‌ம்