SUN குழுமத்திலிருந்து வெளிவரும் காலை நாளிதழ்

வேலூர் அருகே காதலி மீது சந்தேகம் அடைந்து அவரை கத்தியால் குத்திய காதலன் கைது

2022-07-06@ 12:35:17

வேலூர்: வேலூர் மாவட்டம் காட்பாடி அருகே காதலி மீது சந்தேகம் அடைந்து அவரை கத்தியால் குத்திய காதலன் கைது செய்யப்பட்டார். காட்பாடியை சேர்ந்த 20 வயதான சதீஷ்குமார் என்பவர் அதே பகுதியை சேர்ந்த 18 வயதான யாஷினி என்பவரை கடந்த 3 வருடங்களுக்கும் மேலாக காதலித்து வந்தார். இந்நிலையில்  யாஷினி வேறு யாருடனோ தொடர்பில் இருப்பதாக சந்தேகம் அடைந்த சதீஷ்குமார், இன்று காலை  கல்லூரி செல்வதற்காக திருவலம் பேருந்து நிலையத்தில் காத்திருந்த மாணவியை கத்தியால் குத்தினார்.

மாணவியை கத்தியால் குத்திய மாணவன் சதீஷ்குமார், வேலூரில் உள்ள ஆர்த்தோ டெக்னீசியன் சோர்ஸ் படிப்பையும், மாணவி யாஷினி ராணிப்பேட்டையில் உள்ள தனியார் கல்லூரியிலும் படித்து வருகின்றனர். இருவரும் கல்லூரி செல்வதற்காக இன்று காலை பேருந்து நிலையம் வந்தபொழுது, சதீஷ்குமார் மாணவியின் கையை பிடித்து இழுத்து தகராறு செய்ததாக அங்கிருந்த பொதுமக்கள் தகவல் தெரிவித்தனர். மேலும், அம்மாணவி மாணவன் சதீஷ்குமாரை தவிர்த்துவிட்டு வேறு ஒருவருடன் பேசியதாக எண்ணி இச்சம்பவத்தை செய்ததாக போலீசார் தரப்பில் தெரிவிக்கப்பட்டது.

தற்போது கத்திகுத்து அடைந்த மாணவியை அங்கிருந்த பொதுமக்கள் மீட்டு, வேலூர் தனியார் மருத்துவமனையில் அனுமதிக்கப்பட்டு தீவிர சிகிச்சை அளிக்கப்பட்டு வருகிறது. இதனை தொடர்ந்து, சம்பவத்தில் ஈடுபட்ட மாணவன் சதீஷ்குமாரை, திருவலம் கால்துறையினர் பிடித்து இதுதொடர்பாக விசாரணை மேற்கொண்டு வருகின்றனர். இச்சம்பவம் அங்குள்ள  மக்களிடையே பெரும் பதற்றத்தை ஏற்படுத்தியது. 

மேலும் செய்திகள்

LikeGamezop
Like Us on Facebook Dinkaran Daily News
  • america_fire

    கலிபோர்னியாவை அச்சுறுத்தும் காட்டுத்தீ.. தீயை அணைக்க வீரர்கள் போராட்டம்!!

  • mexico-mine-17

    மெக்சிகோ சுரங்கத்தில் ஏற்பட்ட வெள்ளத்தால் சுரங்கத் தொழிலாளர்களை மீட்கும் முயற்சி தீவிரம்...

  • oil-tanker-17

    பாகிஸ்தானில் ஆயில் டேங்கர் லாரியும், பயணிகள் பேருந்தும் மோதி தீ விபத்து.. 20 பேர் உடல் கருகி உயிரிழப்பு..!!

  • kite_chennai

    மாமல்லபுரத்தில் நடைபெற்ற பிரம்மாண்ட பட்டத் திருவிழா..!!

  • poland-fish-16

    போலந்தில் நதிநீர் மாசுபாட்டால் டன் கணக்கில் செத்து மிதக்கும் மீன்கள்..!!

படங்கள் வீடியோ கல்வி சினிமா ஜோ‌திட‌ம்