* மகளிர் ஒருநாள் போட்டிகளுக்கான ஐசிசி பேட்டிங் தரவரிசையில் இந்திய தொடக்க வீராங்கனை ஷபாலி வர்மா 12 இடங்கள் முன்னேறி முதல் முறையாக 36வது இடத்தை பிடித்துள்ளார். மற்றொரு இந்திய வீராங்கனை தீப்தி ஷர்மா 2 இடம் முன்னேறி 29வது இடத்தில் உள்ளார்.
* அமெரிக்க மகளிர் சீனியர் கிரிக்கெட் அணி மற்றும் யு-19 அணிகளுக்கான தலைமை பயிற்சியாளராக வெஸ்ட் இண்டீஸ் முன்னாள் நட்சத்திரம் ஷிவ்நரைன் சந்தர்பால் நியமிக்கப்பட்டுள்ளார்.
* நியூசிலாந்து மகளிர் கிரிக்கெட் அணி வீராங்கனைகளின் ஊதியம், தேசிய ஆண்கள் அணியில் இடம் பெற்றுள்ள வீரர்கள் வாங்கும் ஊதியத்திற்கு இணையாக உயர்த்தப்பட்டுள்ளது.
* ‘டெஸ்ட் போட்டிகளை நாங்கள் சிறப்பாகவே ஆரம்பிக்கிறோம். ஆனால், ஃபினிஷிங்தான் சரியில்லை’ என்று இந்திய அணி தலைமை பயிற்சியாளர் ராகுல் டிராவிட் தெரிவித்துள்ளார்.
* பர்மிங்காம் டெஸ்டில் குறிப்பிட்ட நேரத்துக்குள்ளாக நிர்ணயிக்கப்பட்ட எண்ணிக்கையிலான ஓவர்களைப் பூர்த்தி செய்யத் தவறிய இந்திய அணிக்கு அபராதமாக, உலக டெஸ்ட் சாம்பியன்ஷிப்புக்கான 2 புள்ளிகள் குறைக்கப்பட்டதால் 4வது இடத்துக்கு தள்ளப்பட்டது. ஆஸ்திரேலியா, தென் ஆப்ரிக்கா, பாகிஸ்தான் அணிகள் முதல் 3 இடங்களில் உள்ளன.