ஆவடி: மழைநீர் வடிகால்வாயை ஆக்கிரமித்து கடை வைத்திருப்பவர் மீது நடவடிக்கை எடுக்க வேண்டும் என்று பொதுமக்கள் கோரிக்கை வைத்துள்ளனர். ஆவடி, செக்போஸ்ட் சென்னை - திருப்பதி தேசிய நெடுஞ்சாலை அருகே மழைநீர் வடிகாலை ஆக்கிரமித்து தனியார் ஒருவர் கடை வைத்துள்ளார். இங்கு பழைய ரயில்வே மரப்பலகைகள் அடுக்கி வைக்கப்பட்டுள்ளது. இதனால் மழைநீர் வடிகால் எங்கே இருக்கிறது என்பது கூடத் தெரியவில்லை. மேலும் அந்தப்பொருட்கள் மழைநீர் வடிகாலில் விழுந்து அடைப்பு ஏற்பட்டால் அதை ஆவடி மாநகராட்சியால் சரிசெய்யக் கூட முடியாதபடி காயலான் கடை பொருட்களை அடுக்கிவைத்துள்ளனர்.

மழைநீர் வடிகாலை பயன்படுத்த இந்த தனியார் நிறுவனம் ஆவடி மாநகராட்சிக்கு வாடகை கூட தருவதில்லை. இதுகுறித்து சமூக ஆர்வலர்கள் மாநகராட்சியில் பலமுறை புகாரளித்தும் எந்த நடவடிக்கையும் எடுக்கவில்லை. எனவே, சம்பந்தப்பட்ட ஆவடி மாநகராட்சி அதிகாரிகள் மழைநீர் வடிகாலில் உள்ள ஆக்கிரமிப்பை அகற்றி தனியார் வியாபாரியிடம் அபராதம் வசூலிக்கவேண்டும் என்று சமூக ஆர்வலர்கள் கோரிக்கை விடுத்துள்ளனர். அந்தப்பொருட்கள் மழைநீர் வடிகாலில் விழுந்து அடைப்பு ஏற்பட்டால் அதை ஆவடி மாநகராட்சியால் சரிசெய்யக் கூட முடியாதபடி காயலான் கடை பொருட்களை அடுக்கிவைத்துள்ளனர்.