*பொதுமக்கள் அச்சம்

வால்பாறை : வால்பாறையை அடுத்து உள்ளது முத்துமுடி எஸ்டேட். இதன் அருகில் உள்ள வனப்பகுதியில் இருந்து வெளியே வந்த யானைகள் கூட்டம் நேற்று முன்தினம் தோட்ட தொழிலாளர்கள் குடியிருப்பில் புகுந்தது. இந்த பகுதியில் இருந்த ஆளில்லாத குடியிருப்புகளை இடித்து தள்ளியது. ஜன்னல், கதவு உள்ளிட்டவைகளை நொறுக்கிய யானைகள் அங்கிருந்து அருகில் உள்ள வனப்பகுதிக்குள் சென்றது.

இதில் 3 வீடுகள் சேதம் அடைந்தன. நேற்று காலை அந்த பகுதி மக்கள் எழுந்து பார்த்தபோது 3 வீடுகளை யானைகள் இடித்து தள்ளியதை பார்த்து அதிர்ச்சியடைந்தனர். இது குறித்து வனத்துறை நடவடிக்கை எடுக்க பொதுமக்கள் கோரிக்கை விடுத்துள்ளனர்.