பெரம்பூர்: சென்னை திருவிக நகர், கே.சி கார்டன் முதல் தெருவை சேர்ந்தவர் குட்டி (46). பிளம்பர். இவருக்கு மனைவி சரஸ்வதி மற்றும் 2 பிள்ளைகள் உள்ளனர். இவர் கடந்த 26ம் தேதி பெரம்பூர், பேப்பர் மில்ஸ் சாலை, ராஜா கார்டன் வீட்டுவசதி வாரிய குடியிருப்பில் உள்ள தனது பழைய வீட்டை காலி செய்வதற்காக சென்றிருக்கிறார்.

அப்போது மாடியில் இருந்து பொருட்களை எடுத்து கொண்டு கீழே வரும்போது, அவர் கட்டியிருந்த லுங்கி காலில் சிக்கி, படிக்கட்டிலிருந்து உருண்டு கீழே விழுந்திருக்கிறார். இதில் குட்டிக்கு தலை மட்டும் நடுமுதுகுத்தண்டில் படுகாயம் ஏற்பட்டது. அவரை அக்கம்பக்கத்தினர் உதவியுடன் மீட்டு, சென்னை ராஜீவ்காந்தி அரசு மருத்துவமனையில் சிகிச்சைக்கு சேர்த்தனர்.

அங்கு தீவிர சிகிச்சை பலனின்றி நேற்றிரவு 9 மணியளவில் குட்டி பரிதாபமாக பலியானார். இப்புகாரின்பேரில் பெரவள்ளூர் போலீசார் வழக்குப்பதிவு செய்து விசாரிக்கின்றனர்.