சென்னை: மின் விபத்துகளை தவிர்க்க நடவடிக்கை எடுக்க வேண்டும் என பொறியாளர்கள், ஊழியர்களுக்கு மின்சார வாரியம் உத்தரவிட்டுள்ளது.கடந்த ஜனவரி முதல் மார்ச் வரை மாநிலம் முழுவதும் 97 மின் விபத்துகள் பதிவான நிலையில் இந்த சுற்றறிக்கை அனுப்பப்பட்டுள்ளது.

*அலுவலகத்தில் மாதத்திற்கு ஒருமுறை பாதுகாப்பு பணிகள் நடத்தப்பட வேண்டும்.

*பழுதடைந்த கம்பிகள், மின்மாற்றிகள், கம்பங்களை உடனே மாற்றிட வேண்டும்.

*கூட்டம் நடைபெறும் தேதி, பங்கேற்பு விவரங்கள் மற்றும் பணியாளர்களுக்கு பிரிவு அலுவலர் விளக்கிய பாதுகாப்பு புள்ளிகள் குறித்த அறிக்கையை மண்டல அலுவலகங்களுக்கு அனுப்ப வேண்டும். பிராந்திய அளவில், பாதுகாப்பு வகுப்புகள் நடத்துவதையும்  உறுதிசெய்யலாம்

*மின்சார சீரமைப்பு பணியின் போது, ஊழியர்கள் பாதுகாப்பு காலணிகள், தலைக்கவசங்கள், பாதுகாப்பு உடைகள், பாதுகாப்பு பெல்ட், ரப்பர் கையுறைகள் உள்ளிட்ட உபகரணங்களை அணிய வேண்டும்

*பழைய இன்சுலேட்டர்கள், டிஸ்க்குகள் மற்றும் அரிக்கப்பட்ட / சேதமடைந்த துருவங்கள் / உலோக பாகங்கள் இருக்க வேண்டும் உடனடியாக மாற்றப்பட வேண்டும்

*அதிகளவில் மரம் வளர்ந்திருந்தாலோ, முறிந்து விழும் நிலையில் இருந்தாலோ அதை அப்புறப்படுத்த வேண்டும்.

*மின் திருட்டில் ஈடுபடுவோர் மீது போலீசில் புகார் அளிப்பதை மின்வாரிய அலுவலர்கள் உறுதி செய்ய வேண்டும்.

*ஏபி சுவிட்சுகள்  முறையாக திறக்கப்படாததால் பல விபத்துகள் நடப்பதாக தெரிகிறது. எனவே ஏபி  ஸ்விட்சின் மூன்று பிளேடுகளையும்  எடுப்பதற்கு முன் முறையாக திறக்கப்பட்டிருப்பதை உறுதி செய்ய வேண்டும். பிற உலோக பாகங்களையும் சரிபார்க்க வேண்டும் என்று அறிவுறுத்தியுள்ளது.