சென்னை: நாளுக்குநாள் கொரோனா தொற்று அதிகரித்து வரும் நிலையில் தலைமைசெயலக ஊழியர்கள் கட்டாயம் முகக்கவசம் அணிந்து வர வேண்டும் என பொதுத்துறை துணை செயலாளர் கூறியுள்ளார். நோய்த்தொற்றின் தாக்கத்தில் இருந்து பாதுகாப்பாக இருப்பது என பொதுத்துறை துணை செயலாளர் எஸ் அனு கூறியுள்ளார்.

தமிழகத்தில் நேற்று மட்டும் புதிதாக 771 பேருக்கு கொரோனா பாதிப்பு கண்டறியப்பட்டுள்ளது. இதன் மூலம் இதுவரை 34 லட்சத்து 63 ஆயிரத்து 068 பேருக்கு தொற்று உறுதி செய்யப்பட்டுள்ளது. கொரோனா பாதிப்பால் இதுவரை உயிரிழந்தவர்களின் எண்ணிக்கை மொத்தம் 38,026-ஆக உள்ளது. நேற்றைய நிலவரப்படி 4,678 பேர் பல்வேறு மருத்துவமனைகளில் கொரோனா தொற்றால் பாதிக்கப்பட்டு சிகிச்சை பெற்று வருகின்றனர்.

தமிழகத்தில் நேற்று மட்டும் புதிதாக கொரோனா பாதிக்கப்பட்ட 771 பேரில், 345 கொரோனா வழக்குகள் சென்னையில் பதிவாகியுள்ளது. இதன் காரணமாக தலைமை செயலகத்தில் கொரோனா பாதுகாப்பு விதிமுறைகளை பின்பற்ற பொதுத்துறை துணை செயலாளர் எஸ்.அனு  வலியுறுத்தியுள்ளார்.