SUN குழுமத்திலிருந்து வெளிவரும் காலை நாளிதழ்

உயர்மட்ட நடைபாலம் இருந்தும் தேசிய நெடுஞ்சாலையை ஆபத்தான முறையில் கடக்கும் கல்லூரி மாணவிகள்

2022-06-16@ 14:32:26

கிருஷ்ணகிரி: பர்கூர் அருகே உயர்மட்ட நடைபாலம் இருந்தும், தேசிய நெடுஞ்சாலையை ஆபத்தான முறையில் கல்லூரி மாணவிகள் கடந்து செல்வதை தடுக்க வேண்டும் என பொதுமக்கள் கோரிக்கை விடுத்துள்ளனர். கிருஷ்ணகிரி - சென்னை தேசிய நெடுஞ்சாலையில், பர்கூர் அருகே அங்கிநாயனப்பள்ளியில் உள்ள அரசு மகளிர் கலை மற்றும் அறிவியல் கல்லூரிரியில், கிருஷ்ணகிரி மற்றும் திருப்பத்தூர் மாவட்டங்களை சேர்ந்த 2 ஆயிரத்திற்கும் அதிகமான மாணவிகள் பயின்று வருகின்றனர்.

தேசிய நெடுஞ்சாலையோரம் அமைந்துள்ள இந்த கல்லூரிக்கு, மாணவிகள் வந்து செல்லும் போது, அபாயகரமான முறையில் தேசிய நெடுஞ்சாலையை கடப்பதை தவிர்க்க, கடந்தாண்டில் தேசிய நெடுஞ்சாலை துறை சார்பில், உயர்மட்ட நடைபாலம் அமைக்கப்பட்டது. ஆனால், இந்த நடைபாலத்தை மாணவிகள் பயன்படுத்துவதில்லை. நூற்றுக்கணக்கான வாகனங்கள் அசுர வேகத்தில் செல்லும் தேசியநெடுஞ்சாலையை, அபாயகரமான முறையில் கடந்து செல்கின்றனர்.

ஒருசில பேராசிரியர்களும் கூட, நடைபாலத்தை உபயோகிக்காமல், தேசிய நெடுஞ்சாலையை கடந்து செல்கின்றனர். இது குறித்து கல்லூரி நிர்வாகம், போலீசார் தலையிட்டு, மாணவிகள் சாலையை கடப்பதை தவிர்த்து, நடைபாலத்தை பயன்படுத்த நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

  • kolathur-chennai

    சென்னை கொளத்தூரில் 1.27 கோடியில் இறகுப்பந்து விளையாட்டு அரங்கை திறந்து வைத்து வீரர்களுடன் உற்சாகமாக விளையாடிய முதல்வர் மு.க.ஸ்டாலின்..!!

  • china-factory-fire-22

    சீனாவில் ரசாயன தொழிற்சாலையில் பயங்கர தீ விபத்து; 36 பேர் உயிரிழப்பு..!!

  • newyork-blizzard

    நியூயார்க்கில் பனிப்புயல் வீசுவதால் வீட்டிற்குள் முடங்கிய மக்கள்..!

படங்கள் வீடியோ கல்வி சினிமா ஜோ‌திட‌ம்