SUN குழுமத்திலிருந்து வெளிவரும் காலை நாளிதழ்

மின்னஞ்சல் மூலமாகவும் தெரிவிக்கலாம்; சிதம்பரம் நடராஜர் கோயில் குறித்து 20, 21ம் தேதி மக்கள் கருத்து கேட்பு.! இந்து சமய அறநிலையத்துறை அறிவிப்பு

2022-06-12@ 15:14:03

சிதம்பரம்: சிதம்பரம் நடராஜர் கோயில் மீதான புகார்கள் குறித்து விசாரணை நடத்த இந்து சமய அறநிலையத்துறை 5 பேர் கொண்ட குழுவை நியமித்திருந்தது. இந்த குழு கடந்த 7, 8ம் தேதிகளில் சிதம்பரம் நடராஜர் கோயிலுக்கு வந்து ஆய்வு செய்தனர். அப்போது தீட்சிதர்கள் கணக்குகளை காட்டவில்லை. குழுவிற்கு தேவையான ஒத்துழைப்பையும் அளிக்கவில்லை. இதையடுத்து ஆய்வுக் குழுவினர் திரும்பி சென்றனர். இந்த பரபரப்பான சூழ்நிலையில் தற்போது இந்து சமய அறநிலையத்துறை ஒரு புதிய பொது அறிவிப்பினை வெளியிட்டுள்ளது.

அந்த அறிவிப்பில், சிதம்பரம் சபாநாயகர் (நடராஜர்) திருக்கோயில் குறித்து விசாரணை மேற்கொள்ள தமிழ்நாடு இந்து சமய அறநிலைய அறக்கொடைகள் சட்டப்பிரிவு 23 மற்றும் 33ன் படி ஆணையரால் அமைக்கப்பட்ட விசாரணைக் குழுவிடம் திருக்கோயில் நலனில் அக்கறை உள்ள நபர்கள் தங்களது கருத்துக்கள் மற்றும் ஆலோசனைகளை தெரிவிக்கலாம் என்றும், வருகிற 20ம் தேதி மற்றும் 21ம் தேதிகளில் காலை 10 மணி முதல் மாலை 3 மணி வரை கடலூர் புதுப்பாளையம் ஆற்றங்கரை தெருவில் உள்ள இந்து சமய அறநிலையத்துறை இணை ஆணையர் அலுவலகத்தில் நேரில் அளிக்கலாம் என குறிப்பிடப்பட்டுள்ளது.

மேலும் அஞ்சல் மூலமாகவும், vocud.hrce@tn.gov.in என்ற மின்னஞ்சல் மூலமாகவும் கருத்துக்களை அனுப்பலாம் எனவும் தெரிவிக்கப்பட்டுள்ளது.நடராஜர் கோயில் ஆய்வுக்கு தீட்சிதர்கள் ஒத்துழைக்காத நிலையில், திருக்கோயில் நலனில் அக்கறை உள்ளவர்கள் தங்களது கருத்துக்களை தெரிவிக்கலாம் என இந்து சமய அறநிலையத்துறை அறிவித்துள்ளது பரபரப்பை ஏற்படுத்தி இருக்கிறது.

மேலும் செய்திகள்

Like Us on Facebook Dinkaran Daily News
  • stalin-corp-31

    மழை, வெள்ள காலங்களில் சிறப்பாக பணியாற்றிய மாநகராட்சி பணியாளர்களுக்கு பாராட்டு சான்றிதழ்: முதல்வர் மு.க.ஸ்டாலின் வழங்கினார்

  • long-whale-newyork

    35 அடி நீளம்: நியூயார்க் ரிடோ கடற்கரையில் இறந்தநிலையில் கரை ஒதுங்கிய பிரமாண்ட திமிங்கலம்

  • pak-blast-30

    பாகிஸ்தான் மசூதியில் பயங்கர குண்டுவெடிப்பு!: 28 பேர் உடல் சிதறி பலி, 150 பேர் படுகாயம்..!!

  • china-spring-festival

    சீனாவில் வசந்த காலத் திருவிழா கோலாகலக் கொண்டாட்டம்: கலாச்சார நிகழ்வுகள், விளையாட்டுப் போட்டிகள் என உற்சாகம்..!

  • orange-tree-wishes-27

    ஆரஞ்சு மரத்தை அதிர்ஷ்டமாக கருதும் ஹாங்காங் மக்கள்: வேண்டுதல்களை தாள்களில் எழுதி மரத்தில் தொங்கவிட்டு பிரார்த்தனை..!!

படங்கள் வீடியோ கல்வி சினிமா ஜோ‌திட‌ம்