SUN குழுமத்திலிருந்து வெளிவரும் காலை நாளிதழ்

வடக்கிபாளையம் பிரிவு மேம்பால பக்கவாட்டு சுவரில் தடுப்பு ஏற்படுத்த கோரிக்கை

2022-05-22@ 12:21:11

பொள்ளாச்சி: பொள்ளாச்சி கோவை ரோட்டிலிருந்து பிரிந்து கிராம புறங்களுக்கு செல்லும் முக்கிய சாலையான வடக்கிபாளையம் ரோடு பிரிவு ஆ.சங்கம்பாளையத்தில் சுமார் 6 ஆண்டுக்கு முன்பு ரயில்வே மேம்பாலம் கட்டப்பட்டது. இதனால், இந்த வழியாக போக்குவரத்து பாதிப்பின்றி வாகன ஓட்டிகள் விரைந்து சென்று வருகின்றனர்.

இரவு நேரத்தில் அடிக்கடி ஏற்பட்ட விபத்தால், பொதுமக்கள் விடுத்த கோரிக்கையின் அடிப்படையில், மேம்பாலத்தின் பக்கவாட்டு சுவரில், ரிப்லைக்டர் மற்றும் விபத்து தடுப்பு குறி உள்ளிட்டவை ஆங்காங்கே ஏற்படுத்தப்பட்டது. ஆனால், ரயில் செல்லும் தண்டவாளத்தின் மேல் பகுதியில் மட்டும் உயரமான தடுப்பு ஏற்படுத்தப்பட்டுள்ளது. மீதம் சுமார் 400 மீட்டர் தொலைவில், மேம்பாலத்தின் இருபுறமும் பக்கவாட்டு சுவரில் உயரமான தடுப்புகள் இல்லாமல் இருப்பது, வாகன ஒட்டிகளிடையே அச்சத்தை ஏற்படுத்தியுள்ளது.

கடந்த சில நாட்களுக்கு முன்பு பைக்கில் வேகமாக வந்த நபர், தடுப்புச்சுவரையும் தாண்டி கீழே விழுந்து இறந்த சம்பவம் நடந்துள்ளது. கோட்டூர் ரோடு மேம்பாலத்தில் ஏற்பட்ட விபத்துக்களால், தற்போது அங்கு பக்கவாட்டு சுவரில் இரும்பு தடுப்பு ஏற்படுத்தப்பட்டுள்ளது. அதுபோல், வாகன போக்குவரத்து அதிகமுள்ள, வடக்கிபாளையம் பிரிவு ரயில்வே மேம்பால பக்கவாட்டு சுவரில் உயரமான தடுப்பு ஏற்படுத்தி, வாகன ஓட்டிகளின் பாதுகாப்புக்கு வழிவகை செய்ய வேண்டும் என பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • israel-desert-24

    இஸ்ரேலில் உள்ள பாலைவனத்தில் நடத்தப்பட்ட அகழ்வாராய்ச்சியில் பழங்கால மசூதி கண்டுபிடிப்பு..!!

  • Ecuador_protests

    ஈக்வேடாரில் தொடர்ந்து உயரும் எரிபொருட்களின் விலையால் பொதுமக்கள் சாலையில் போராட்டம்..!!

  • pondi-scl-23

    புதுச்சேரியில் இன்று பள்ளிகள் திறப்பு: மாணவர்களை உற்சாகமாக வரவேற்ற ஆசிரியர்கள்..!!

  • admk-23

    50 ஆண்டுகளில் முதன்முறையாக தொடங்கிய சில நிமிடங்களிலேயே முடிந்தது அதிமுக பொதுக்குழு கூட்டம்..!!

  • Goat_Pakistan

    பாகிஸ்தானில் 48 செ.மீ. நீளமுடைய காதைக் கொண்டு உலக சாதனை படைத்த சிம்பா ஆட்டுக்குட்டி..!!!

படங்கள் வீடியோ கல்வி சினிமா ஜோ‌திட‌ம்