SUN குழுமத்திலிருந்து வெளிவரும் காலை நாளிதழ்

ஐபிஎல் கிரிக்கெட் மும்பையை வீழ்த்தி ஐதராபாத் பிளே ஆப் வாய்ப்பில் நீடிக்க முனைப்பு

2022-05-17@ 14:34:13

மும்பை: ஐபிஎல் தொடரில் இன்று மும்பையை வீழ்த்தி ஐதராபாத் பிளே ஆப் சுற்றுக்கான வாய்ப்பில் நீடிக்க முனைப்பாக உள்ளது. ஐபிஎல் தொடரில் சன்ரைசர்ஸ் ஐதராபாத் அணி இதுவரை ஆடிய 12 ஆட்டங்களில் 5 வெற்றி, 7 தோல்வியுடன் 10 புள்ளிகள் பெற்று 8-வது இடத்தில் உள்ளது. முதல் 2 லீக் போட்டிகளில் தோல்வியடைந்த அந்த அணி அதன் பிறகு தொடர்ச்சியாக 5 ஆட்டங்களில்  அபாரமாக ஆடி வெற்றிகளை குவித்தது. அதே நேரத்தில் கடைசி 5 ஆட்டங்களில் (குஜராத், சென்னை, டெல்லி, பெங்களூரு, கொல்கத்தா) தொடர் தோல்வி அடைந்தது. இந்த நிலையில் வாழ்வா-சாவா என்ற நிலையில் ஐதராபாத் அணி இன்று மும்பையுடன் மோதுகிறது. இதில் வெற்றிபெறாவிட்டால் பிளே ஆப் சுற்றுக்கு தகுதி பெறமுடியாது. ஐதராபாத் அணியில் பேட்டிங்கில் அபிஷேக்  ஷர்மா (374 ரன்), மார்க்ராம், ராகுல் திரிபாதி, நிகோலஸ் பூரன் ஆகியோரும் பந்து வீச்சில் புவனேஷ்வர்குமார், உம்ராக் மாலிக்,  நடராஜன், மார்கோஜேன்சனும் வலுசேர்க்கிறார்கள். இருப்பினும் கொல்கத்தாவுக்கு எதிரான முந்தைய ஆட்டத்தில் 40 ரன்களுக்கு மேல் வாரி வழங்கிய நடராஜன், வாஷிங்டன் சுந்தர் ஆகியோர்  இந்த போட்டியில் கவனமாக பந்துவீசுவது அவசியமானதாகும்.

இதுபோல் மும்பை இந்தியன்ஸ் 12 போட்டிகளில் 3 வெற்றி, 9 தோல்வியுடன் 6 புள்ளிகள் பெற்று கடைசி இடத்தில் உள்ளது. மும்பை முதல் 8 போட்டிகளில் தொடர் தோல்வியை சந்தித்தது. பின்னர் நடந்த 4 போட்டிகளில் 3-ல் வெற்றி பெற்றது. முந்தைய ஆட்டத்தில் 97 ரன்னில் சென்னையை சுருட்டி வீசிய மும்பை, 14.5 ஓவர்களில் வெற்றி இலக்கை எட்டியது. மும்பை அணியில் திலக்வர்மா (368ரன்) மட்டுமே நேர்த்தியான ஆட்டத்தை வெளிப்படுத்தி வருகிறார். இஷான்கிஷன், கேப்டன் ரோகித் சர்மா தற்போது ஆறுதல் அளிக்கும் வகையில் ஆடுகின்றனர். பந்துவீச்சில் ஜஸ்பிரித் பும்ரா, டேனியல் சாம்ஸ், முருகன் அஸ்வின், மெரிடித் சிறப்பான பங்களிப்பை அளித்து வருகின்றனர். பிளே ஆப் சுற்று வாய்ப்பில் நீடிக்க இன்றைய போட்டியில் வெற்றிபெற வேண்டியது கட்டாயம் என்பதால் ஐதராபாத் அணி வீரர்கள் ஆவேசமாக ஆடுவார்கள் என எதிர்பார்க்கப்படுகிறது. அதே நேரத்தில் மும்பை அணி புள்ளி பட்டியலில் கடைசி இடத்தை தவிர்க்க போராடும் என்பதால் இன்றைய போட்டியில் விறுவிறுப்புக்கு பஞ்சம் இருக்காது.

Like Us on Facebook Dinkaran Daily News
  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

  • kolathur-chennai

    சென்னை கொளத்தூரில் 1.27 கோடியில் இறகுப்பந்து விளையாட்டு அரங்கை திறந்து வைத்து வீரர்களுடன் உற்சாகமாக விளையாடிய முதல்வர் மு.க.ஸ்டாலின்..!!

  • china-factory-fire-22

    சீனாவில் ரசாயன தொழிற்சாலையில் பயங்கர தீ விபத்து; 36 பேர் உயிரிழப்பு..!!

படங்கள் வீடியோ கல்வி சினிமா ஜோ‌திட‌ம்