SUN குழுமத்திலிருந்து வெளிவரும் காலை நாளிதழ்

கேரளாவில் இன்று 5 மாவட்டங்களுக்கு ரெட்அலர்ட்

2022-05-16@ 15:33:03

திருவனந்தபுரம்: கேரளாவில் வரும் 19ம் தேதி வரை பலத்த மழை தொடரும் என்று அறிவிக்கப்பட்டுள்ள நிலையில் இன்று 5 மாவட்டங்களுக்கு சிவப்பு எச்சரிக்கையும், 7 மாவட்டங்களுக்கு ஆரஞ்சு எச்சரிக்கையும் விடுக்கப்பட்டுள்ளது. அதன்படி கேரளாவில் இன்று சாரல் மழை பெய்தது. கேரளாவில் இந்தாண்டு தென்மேற்கு பருவமழை மே கடைசி வாரத்திலேயே தொடங்கும் என்று மத்திய வானிலை ஆய்வு மையம் அறிவித்துள்ளது. இதற்கிடையே கடந்த ஒரு மாதத்திற்கு மேலாக கேரளா முழுவதும் பரவலாக மழை பெய்து வருகிறது. கடந்த சில தினங்களாக திருவனந்தபுரம், பத்தினம்திட்டா, கொல்லம் உள்பட பல மாவட்டங்களில் தொடர் மழை பெய்து வருகிறது.

இந்நிலையில் வரும் 19ம் தேதி வரை மழை நீடிக்கும் என்று திருவனந்தபுரம் வானிலை ஆய்வு மையம் அறிவித்துள்ளது. இன்று எர்ணாகுளம், இடுக்கி, திருச்சூர், கோழிக்கோடு, கண்ணூர் ஆகிய மாவட்டங்களுக்கு சிவப்பு எச்சரிக்கையும், கொல்லம் பத்தனம் திட்டா உள்பட 7 மாவட்டங்களுக்கு ஆரஞ்சு எச்சரிக்கையும், திருவனந்தபுரம், பாலக்காடு ஆகிய மாவட்டங்களுக்கு மஞ்சள் எச்சரிக்கையும் விடுக்கப்பட்டுள்ளது.

இன்று கேரளா, லட்சத்தீவு மற்றும் கர்நாடக கடல் பகுதிகளில் மணிக்கு 40 முதல் 50 கிமீ வேகத்தில் பலத்த காற்று வீசும் என்பதால் மீனவர்கள் கடலுக்கு செல்ல வேண்டாம் என்று அறிவுறுத்தப்பட்டுள்ளனர். மிக பலத்த மழைக்கு வாய்ப்பு இருப்பதால் பொதுமக்கள் மலையோர பகுதிகள், கடற்கரைகள் உள்பட சுற்றுலா தலங்களுக்கு செல்ல வேண்டாம் என்று கேரள பேரிடர் தடுப்பு படை கேட்டு கொண்டுள்ளது. அதன்படி இன்று ஒரு சில இடங்களில் லேசான சாரல் மழை பெய்தது. இதனால் பொதுமக்களின் இயல்பு வாழ்க்கை பாதிக்கப்பட்டது.

மேலும் செய்திகள்

Like Us on Facebook Dinkaran Daily News
  • israel-desert-24

    இஸ்ரேலில் உள்ள பாலைவனத்தில் நடத்தப்பட்ட அகழ்வாராய்ச்சியில் பழங்கால மசூதி கண்டுபிடிப்பு..!!

  • Ecuador_protests

    ஈக்வேடாரில் தொடர்ந்து உயரும் எரிபொருட்களின் விலையால் பொதுமக்கள் சாலையில் போராட்டம்..!!

  • pondi-scl-23

    புதுச்சேரியில் இன்று பள்ளிகள் திறப்பு: மாணவர்களை உற்சாகமாக வரவேற்ற ஆசிரியர்கள்..!!

  • admk-23

    50 ஆண்டுகளில் முதன்முறையாக தொடங்கிய சில நிமிடங்களிலேயே முடிந்தது அதிமுக பொதுக்குழு கூட்டம்..!!

  • Goat_Pakistan

    பாகிஸ்தானில் 48 செ.மீ. நீளமுடைய காதைக் கொண்டு உலக சாதனை படைத்த சிம்பா ஆட்டுக்குட்டி..!!!

படங்கள் வீடியோ கல்வி சினிமா ஜோ‌திட‌ம்