SUN குழுமத்திலிருந்து வெளிவரும் காலை நாளிதழ்

பயணிகள் இல்லாததால் 4 இலங்கை விமானம் ரத்து

2022-05-16@ 00:22:55

சென்னை: சென்னையில் இருந்து இலங்கை செல்லும் ஸ்ரீ லங்கன் மற்றும் ஏர் இந்தியாவின் 4 விமானங்கள் போதிய பயணிகள் இல்லாததால் ரத்து செய்யப்பட்டன. இலங்கையில் பொருளாதார நெருக்கடி காரணமாக மக்கள் போராட்டத்தில் ஈடுபட்டு வருவதால் பதற்றமான சூழல் நிலவி வருகிறது. இதனால், வெளிநாடுகளில் இருந்து இலங்கை செல்பவர்களின் எண்ணிக்கை வெகுவாக குறைந்துள்ளது. குறிப்பாக, சென்னை விமான நிலையத்திலிருந்து இரவு நேரங்களில் இலங்கைக்கு செல்லும் விமானங்களில் பயணிகள் எண்ணிக்கை வெகுவாக குறைந்துவிட்டது.

போதிய பயணிகள் இல்லாததால், சென்னை விமான நிலையத்தில் இருந்து நேற்று அதிகாலை 12.20 மணிக்கு இலங்கையின் கொழும்பு நகருக்கு செல்ல வேண்டிய ஏர் இந்தியா விமானம் ரத்து செய்யப்பட்டது. இதேபோல் இலங்கையில் இருந்து சென்னைக்கு நேற்று அதிகாலை 2.25 மணிக்கு வரவேண்டிய, இங்கிருந்து அதிகாலை 3.25 மணிக்கு இலங்கை செல்லும் ஸ்ரீ லங்கன் ஏர்லைன்சின் 2 விமானங்களும் ரத்து செய்யப்பட்டன. இந்நிலையில், நேற்று ஞாயிறு விடுமுறை  தினம் என்பதாலும், இரவு நேரங்களில் இலங்கைக்கு செல்லும் பயணிகளின் எண்ணிக்கை குறைந்ததாலும், நேற்று ஏர் இந்தியா மற்றும் ஸ்ரீ லங்கன் ஏர்லைன்சின் 4 விமானங்கள் ரத்து செய்யப்பட்டன.

மேலும் செய்திகள்

Like Us on Facebook Dinkaran Daily News
  • SYDNEYY111

    தொடர் கனமழை : சிட்னி நகரத்தை சூழ்ந்த வெள்ளம்.. 50 ஆயிரம் மக்கள் வீடுகளை விட்டு வெளியேற அறிவுறுத்தல்..

  • Mexico_Mayor

    மெக்சிகோவில் விநோதம்.! பெண் முதலையை முத்தம் கொடுத்து மணந்த மேயர்!!

  • manipurlandaa1

    தோண்ட தோண்ட சடலங்கள்.. மணிப்பூரில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 42 ஆக உயர்வு!!

  • America_Truck

    அமெரிக்காவில் டெக்சாஸ் மாகாணத்தில் லாரி ஒன்றில் 53 அகதிகள் சடலமாக மீட்பு... 16 பேர் கவலைக்கிடம்!!

  • wild-fire-california-30

    கலிபோர்னியாவில் மீண்டும் பற்றி எரியும் காட்டுத் தீ..135 ஏக்கர் வனப்பகுதி தீக்கிரை..!!

படங்கள் வீடியோ கல்வி சினிமா ஜோ‌திட‌ம்