SUN குழுமத்திலிருந்து வெளிவரும் காலை நாளிதழ்

தஞ்சையில் கழிவறை ஏலம் எடுப்பதில் ஏற்பட்ட முன்விரோதம் காரணமாக பிரபல ஆடிட்டர் வெட்டிக்கொலை: 4 பேர் கைது

2022-05-11@ 14:57:16

தஞ்சை: தஞ்சாவூரில் கழிவறை ஏலம் எடுப்பதில் ஏற்பட்ட முன்விரோதம் காரணமாக பிரபல ஆடிட்டர் மகேஸ்வரனை வெட்டி படுகொலை செய்த கும்பலை போலீசார் கைது செய்தனர். தஞ்சை சேர்வைக்காரன் தெருவில் வசித்து வருபவர் மகேஸ்வரன். பிரபல ஆடிட்டர் ஆன இவர், அதேபகுதியில் உள்ள மாநகராட்சிக்கு சொந்தமான கழிவறையை அதிகப்பணம் கட்டி ஏலம் எடுத்துள்ளார். இதனால் கார்த்தி என்பவருக்கும், ஆடிட்டர் மகேஸ்வரனுக்கும் இடையே தகராறு ஏற்பட்டதாக கூறப்படுகிறது. இந்நிலையில் ஆடிட்டர் மகேஸ்வரன் நேற்று இரவு, தனது தோட்டத்து வீட்டில் சாப்பிட்டுக்கொண்டு இருந்தபோது, கார்த்தி, அர்ஜுனன், மணிகண்டன் உள்ளிட்ட 4 பேர் அங்கு வந்து, அவருடன் அமர்ந்து சகஜமாக பேசியுள்ளனர்.

தண்ணீர் குடிப்பதற்காக மகேஸ்வரன் எழுந்து சென்றபோது, பின்புறம் இருந்து அவரை 4 பேரும் சேர்ந்து, அரிவாளால் சரமாரியாக வெட்டியுள்ளனர். இதில் ஆடிட்டர் மகேஸ்வரன் ரத்தவெள்ளத்தில் துடிதுடித்து உயிரிழந்தார். ஆடிட்டர் இறந்ததை உறுதி செய்த கும்பல் அங்கிருந்து தப்பிச் சென்றது. தகவல் அறிந்து வந்த தஞ்சை மேற்கு காவல்நிலைய ஆய்வாளர் சந்திரா, டிஎஸ்பி கபிலன் ஆகியோர் ஆடிட்டர் மகேஸ்வரன் சடலத்தை மீட்டு, உடற்கூறு ஆய்விற்காக தஞ்சை மருத்துவக்கல்லூரி மருத்துவமனைக்கு அனுப்பி வைத்தனர். தப்பியோடிய கொலையாளிகள் 4 பேரை தனிப்படை போலீசார் கைது செய்து, அவர்களிடம் தீவிர விசாரணை நடத்தி வருகின்றனர்.     

மேலும் செய்திகள்

Like Us on Facebook Dinkaran Daily News
  • gandhi-birthday

    காந்தி பிறந்தநாளையொட்டி கண்கவர் டிரோன் கண்காட்சி

  • tirupati-4th-day-30

    திருப்பதி பிரமோற்சவம்: 4ம் நாளில் கற்பக விருட்ச வாகனத்தில் ராஜமன்னார் அலங்காரத்தில் மலையப்ப சுவாமி வீதி உலா..!!

  • ian-florida

    புளோரிடாவில் இயான் சூறாவளியால் கடுமையான சேதம்.. மக்களின் இயல்பு வாழ்க்கை முடக்கம்..!

  • America_electric plane

    முற்றிலும் மின்சாரத்தில் இயங்கும் முதல் விமானம்!: அமெரிக்காவில் சோதனை ஓட்டம் வெற்றி...!!

  • chennai-heavy-rain

    சென்னையில் பல்வேறு இடங்களில் இடியுடன் கனமழை

படங்கள் வீடியோ கல்வி சினிமா ஜோ‌திட‌ம்