SUN குழுமத்திலிருந்து வெளிவரும் காலை நாளிதழ்

ஆணைமடுவு அணையில் இருந்து பாசனத்திற்கு தண்ணீர் திறப்பு: 5 ஆயிரம் ஏக்கர் நிலம் பயன்பெறும்

2022-05-07@ 14:38:42

வாழப்பாடி: ஆணைமடுவு அணையில் இருந்து, பழைய ஆயக்கட்டு ஆற்றுப்பகுதிக்கு நேற்று பாசனத்துக்கு விநாடிக்கு 60 கனஅடி தண்ணீர் திறக்கப்பட்டு உள்ளது. இதனால் 5 ஆயிரம்  ஏக்கர் விளை நிலங்கள் பயன்பெறும் என அதிகாரிகள் தெரிவித்தனர். சேலம் மாவட்டம், வாழப்பாடி அடுத்த புளுதிகுட்டை ஆணைமடுவு நீர்த்தேக்கம் 67 அடி உயரமுள்ளது. இந்த அணையில் தற்போது, 63 அடி அளவிற்கு (223.81 மில்லியன் கனஅடி) நீர் இருப்பில் உள்ளது.

இந்நிலையில் ஆணைமடுவு நீர்தேக்கத்தில் இருந்து, பழைய ஆயக்கட்டு ஆற்றுப்பகுதிக்கு நீர் திறக்க தமிழக அரசு உத்தரவிட்டது. அதன்படி நேற்று காலை 8 மணியளவில் ஆணைமடுவு நீர்தேக்கத்தில் இருந்து, விநாடிக்கு 60 கனஅடி வீதம் பழைய ஆயக்கட்டு ஆற்றுப்பகுதிக்கு நீர் திறக்கப்பட்டது. தொடர்ந்து 22 நாட்கள் தண்ணீர் திறக்கப்படும். ஆத்தூர் உதவி செயற்பொறியாளர் கவிதாராணி, செயற் பொறியாளர் ஆனந்தன், ஆனைமடுவு உதவி பொறியாளர் விஜயராகவன், கொட்டவாடி முன்னாள் தலைவர் குமார் ஆகியோர் பாசனத்திற்கு நீரை திறந்து வைத்தனர். அணையில் இருந்து 113.96 மில்லியன் கனஅடி நீர் திறக்கப்பட உள்ளது. இந்த நீர்திறப்பால் 5 ஆயிரம் ஏக்கர் நிலம் பாசன வசதி பெறும் என அதிகாரிகள் தெரிவித்தனர்.

மேலும் செய்திகள்

Like Us on Facebook Dinkaran Daily News
  • nia-23-kerala

    பிஎஃப்ஐ இடங்களில் என்ஐஏ சோதனைக்கு கண்டனம்: கேரளாவில் முழு அடைப்பு; வாகன கண்ணாடி உடைப்பு; பெட்ரோல் குண்டு வீச்சு..!!

  • ship-22

    இஸ்ரேல் கடற்கரையில் 1300 ஆண்டுகள் பழமையான கப்பல் கண்டுபிடிப்பு..!!

  • putin-action-protest

    புடின் அதிரடி உத்தரவு! ரஷ்யா முழுவதும் வெடித்த போராட்டம் - நூற்றுக்கணக்கானோர் கைது

  • iran_ladies

    ஈரானில் கொடூரம்: ஹிஜாப் சரியாக அணியாத பெண்ணை அடித்துக்கொன்ற போலீஸ்... முஸ்லிம் பெண்கள் தொடர் போராட்டம்

  • INS_ship

    நீண்ட சேவையில் இருந்து விடைபெற்றது INS அஜய் போர்க்கப்பல்..!!

படங்கள் வீடியோ கல்வி சினிமா ஜோ‌திட‌ம்