SUN குழுமத்திலிருந்து வெளிவரும் காலை நாளிதழ்

ஐதராபாத் சுற்றுவட்டாரத்தில் விடிய, விடிய கொட்டிய கனமழை: வீடுகளில் தண்ணீர் புகுந்ததால் இயல்பு வாழ்க்கை பாதிப்பு

2022-05-04@ 12:14:00

தெலுங்கானா: ஐதராபாத் சுற்றுவட்டாரத்தில் விடிய, விடிய பெய்த கனமழையால் வீதிகளில் வெள்ளம் பெருக்கெடுத்துள்ளது. தெலுங்கானா மாநிலத்தில் கடந்த சில வாரங்களாக கோடை வெயில் பயங்கரமாக சுட்டெரித்து வந்த நிலையில், இன்று அதிகாலை முதல் தொடர்ந்து பலத்த மழை பெய்து வருகிறது. இதன் காரணமாக பல இடங்களில் மழை வெள்ளம் சூழ்ந்த நிலையில், வீடுகளிலும், கடைகளிலும் தண்ணீர் புகுந்துள்ளது. தெலுங்கானா மாநிலம் வானிலை ஆராய்ச்சி மையம் வெளியிட்டுள்ள அறிக்கையில், அதிகபட்சமாக சித்திப்பூர் மாவட்டத்தில் சபிப் நகரில் 108 மி.மீ. மழையும், ஐதராபாத்தில் உள்ள செகந்திராபாத் அருகே உள்ள சிதம்பூர் மண்டியில் 72.8 மி.மீ. மழையும் பதிவாகியுள்ளது.

காலை நிலவரப்படி அதிகபட்சமாக பன்சிலால்பேட்டையில் 67 மி.மீ. மழையும், மேற்குமாரடைப்பள்ளியில் 61.8 மி.மீ. மழை பெய்திருப்பதாகவும் வானிலை மையம் தெரிவித்தது. தொடர்ந்து கோடை வெயிலின் தாக்கம் அதிகரித்து, அனல் காற்று வீசி வந்த நிலையில் திடீரென மழை பெய்தது. இந்த மழை அப்பகுதி மக்களிடையே பெரும் மகிழ்ச்சியை அளித்தாலும், தாழ்வான பகுதியில் வசிக்கும் பொதுமக்கள் மிகுந்த சிரமத்திற்கு ஆளாகியுள்ளனர். இந்த திடீர் மழையினால் வீடுகள், கடைகளில் வெள்ளநீர் புகுந்தும்,  சில இடங்களில் சாலைகளே தெரியாத அளவிற்கு மழைநீர் தேங்கியும் உள்ளதால் மக்கள் மிகுந்த சிரமத்திற்கு ஆளாகியுள்ளனர். எனவே சாலைகளில் மழைநீர் தேங்கியுள்ளதால் வாகனஓட்டிகள் எச்சரிக்கையுடன் செல்லவேண்டும் என மாநில அரசின் சார்பில் கோரிக்கை விடுக்கப்பட்டுள்ளது.

மேலும் செய்திகள்

Like Us on Facebook Dinkaran Daily News
  • tirupati-4th-day-30

    திருப்பதி பிரமோற்சவம்: 4ம் நாளில் கற்பக விருட்ச வாகனத்தில் ராஜமன்னார் அலங்காரத்தில் மலையப்ப சுவாமி வீதி உலா..!!

  • ian-florida

    புளோரிடாவில் இயான் சூறாவளியால் கடுமையான சேதம்.. மக்களின் இயல்பு வாழ்க்கை முடக்கம்..!

  • America_electric plane

    முற்றிலும் மின்சாரத்தில் இயங்கும் முதல் விமானம்!: அமெரிக்காவில் சோதனை ஓட்டம் வெற்றி...!!

  • chennai-heavy-rain

    சென்னையில் பல்வேறு இடங்களில் இடியுடன் கனமழை

  • tirupati-brahmotsavam-28

    கோவிந்தா! கோவிந்தா!: திருப்பதி ஏழுமலையான் கோயிலில் 2ம் நாள் பிரமோற்சவம் கோலாகலம்.. சின்ன சேஷ வாகனத்தில் மலையப்ப சுவாமி வீதியுலா..!!

படங்கள் வீடியோ கல்வி சினிமா ஜோ‌திட‌ம்