டோக்கியோ: சீனாவில் நடைபெற்று வரும் குளிர்கால ஒலிம்பிக்ஸில் ரசிகர்களை கவர்ந்த Halfpipe Snow Boarding போட்டியில் அமெரிக்காவின் ஸ்லோகிம் தங்க பதக்கத்தை தட்டிச் சென்றுள்ளார். ஜாங்ஜிகாவோ நகரில் நடைபெற்ற இந்த போட்டியில் முன்னிலை வீராங்கனைகள் பலரும் கலந்து கொண்டனர். இதில் 21 வயதான அமெரிக்காவின்  chloe kim லாவகமாக சறுக்கி அதிக புள்ளிகளை கைப்பற்றி முதல் இடத்தைப் பிடித்தார். ஸ்பெயின் நாட்டு வீராங்கனை queralt castellet வெள்ளி பதக்கத்தையும், ஜப்பானில் tomita sena வெண்கல பதக்கத்தையும் கைப்பற்றினர். இதே போன்று பெய்ஜிங்கில் நடைபெற்ற ஆடவருக்கான கர்லிங் மற்றும் ஐஸ் ஹாக்கி போட்டிகள் பார்வையாளர்களை பரவசப்படுத்தின.

ஈரானை சேர்ந்த அல்பைன் பனிச்சறுக்கு வீரர் ஹொசைன் சவே ஷெம்ஷாகி ஒலிம்பிக்ஸில் போட்டியிட இடைக்கால தடை விதித்து, சர்வதேச ஊக்கமருந்து பரிசோதனை முகமை நடவடிக்கை எடுத்துள்ளது. இவருக்கு எடுக்கப்பட்ட சிறுநீர் மாதிரி மேற்கொள்ளப்பட்ட பரிசோதனையில் ஊக்கமருந்து பயன்படுத்தியது கண்டுபிடிக்கப்பட்டுள்ளது. இதனால் பயிற்சி அளிப்பது உள்ளிட்ட எந்த விதமான நடவடிக்கையிலும் கொஷைன் ஈடுபடக்கூடாது என்று அறிவுறுத்தபட்டுள்ளது. 36 வயதான கொஷைன் 2014 ஆம் ஆண்டு ஒலிம்பிக்ஸிலும் பங்கேற்று பதக்கம் வெல்லாமல் ஏமாற்றத்துடன் திரும்பியது குறிப்பிடத்தக்கது.