தென்காசி: குற்றாலம் அருவிகளில் நேற்று முன்தினம் தண்ணீர் நன்றாக விழுந்த நிலையில் நேற்று தண்ணீர் வரத்து குறைந்தது. குற்றாலத்தில் கடந்த இரண்டு தினங்களுக்கு முன்பு மாலை மற்றும் இரவு நேரத்தில் பெய்த மழையின் காரணமாக அருவிகளில் நேற்று முன்தினம் தண்ணீர் வரத்து சற்று அதிகரித்தது. கோடை மழை என்பதால் தண்ணீர் வரத்து அதிக நேரம் நீடிக்கவில்லை.‌ நேற்று மீண்டும் தண்ணீர் வரத்து குறைந்தது.

மெயினருவியில் ஆண்கள் பகுதியில் குறைவாகவும், பெண்கள் பகுதியில் பாறையை ஒட்டி சிறிதளவும் தண்ணீர் விழுகிறது‌. ஐந்தருவியில் மூன்று பிரிவுகளில் ஓரளவு தண்ணீர் விழுகிறது. பழைய குற்றால அருவியில் சுமாராக தண்ணீர் விழுகிறது. புலி அருவியில் தண்ணீர் வரத்து அடியோடு நின்றுவிட்டது. சுற்றுலா பயணிகள் கூட்டமும் சுமாராக காணப்பட்டது.