SUN குழுமத்திலிருந்து வெளிவரும் காலை நாளிதழ்

'இது நாகாலாந்து அல்ல... தமிழ்நாடு...' - ஆளுநர் ஆர்,என்.ரவி குறித்து திமுகவின் நாளேடான முரசொலி கடும் விமர்சனம்

2022-01-29@ 12:26:42

சென்னை: தமிழ்நாடு ஆளுநர் ஆர்,என்.ரவி தனது அதிகார எல்லையை மீறி செயல்படுகிறாரா என்று என்ன தோன்றுவதாக திமுகவின் அதிகார பூர்வ நாளேடான முரசொலி காட்டமாக விமர்சித்துள்ளது. இது நாகலாந்து அல்ல.. தமிழ்நாடு என்பதை ஆளுநர் உணர்ந்திட வேண்டும் என முரசொலி கூறியுள்ளது. திமுகவின் அதிகாரப்பூர்வ நாளேடான முரசொலியில் கொக்கென்று நினைத்தாரா; தமிழக ஆளுநர் ரவி என்ற தலைப்பில் கட்டுரை வெளியாகியுள்ளது. அதில் ஆர். என்.ரவி நாகலாந்து ஆளுநராக இருந்த போது அவரது அத்துமீறல்கள் அரசு மீது மட்டுமின்றி ஊடகவியாளர்கள் மீதும் இருந்ததாக அதில் குறிப்பிடப்பட்டுள்ளது.

தமிழ்நாட்டில் ஆளுநராக பொறுப்பேற்றுள்ள அவர், சில நேரங்களில் தனது அதிகார எல்லையை மீறி செயல்படுகிறாரோ?.. என்று என்ன தோன்றுவதாக முரசொலி விமர்சித்துள்ளது. காவல்துறை அதிகாரியாக இருந்து ஓய்வுக்கு பின் அதிகாரியான ரவியின் மிரட்டல் அரசியலில் எடுபடாது என்பதே அவர் உணர்ந்திட வேண்டும் என கட்டுரையில் கூறப்பட்டுள்ளது. ஏறத்தாழ ஏழரை மக்களின் பிரதிநிதிகள் அடங்கிய தமிழ்நாடு சட்டமன்றம் ஒருமனதாக நிறைவேற்றிய தீர்மானத்தின் மீது எந்த கருத்தும் தெரிவிக்காமல் சட்டத்தின் சந்து பொந்துகளில் பதுங்கி கொண்டிருப்பதாக முரசொலி விமர்சித்துள்ளது.

நீட் தேர்வுக்கு ஆதரவான கருத்தை ஆர். என்.ரவி தெரிவித்தது என்ன வகையில் நியாயம் என கேள்வி எழுப்பியுள்ளது. மற்ற இந்திய மாநிலங்கள் போல் அல்லாமல் தமிழ்நாடு அரசியலில் குடம் போட்ட மண் என்பதை உணர வேண்டும் என்றும் அறிவுறுத்தப்பட்டுள்ளது. இருமொழி கொள்கை, நீட் வேண்டாம் என்ற விவகாரங்களில் ஒட்டுமொத்த தமிழ்நாடும் ஒன்றிணைந்து நிற்கும் போது ஆளுநர் ரவி அதை உணர்ந்து ஒட்டுமொத்த தமிழகத்தின் உரிமை குரலுக்கு அங்கீகாரம் தர முயற்சி செய்ய வேண்டும் என வலியுறுத்தப்பட்டுள்ளது.

ஆளுநர் ரவி எந்த கருத்தை தெரிவிக்கும் முன்பும் தமிழ்நாட்டின் வரலாற்றை தெரிந்துகொண்டு கூறுவது அவரது பதவிக்கு பெருமை. என்றும் பெரியண்ணன் மனப்பான்மையோடு செயல்பட, இது நாகலாந்து அல்ல தமிழ்நாடு என்பதை ஆளுநர் உணர வேண்டும் எனவும் முரசொலி கட்டுரையில் தெரிவிக்கப்பட்டுள்ளது. 

மேலும் செய்திகள்

Like Us on Facebook Dinkaran Daily News
  • ooty_flower

    பூத்துக்குலுங்கும் வண்ண மலர்களோடு இன்று தொடங்கியது உதகை மலர் கண்காட்சி..!!

  • bharat111

    சென்னை ஐசிஎப் தொழிற்சாலையில் வந்தே பாரத் ரயில் பணிகள் : ஒன்றிய அமைச்சர் அஸ்வினி வைஷ்ணவ் ஆய்வு

  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

படங்கள் வீடியோ கல்வி சினிமா ஜோ‌திட‌ம்