SUN குழுமத்திலிருந்து வெளிவரும் காலை நாளிதழ்

எவரெஸ்ட் சிகரம் வென்ற பச்சேந்திரி பால் தலைமையில் 50 பிளஸ் பெண்கள் இமயமலை பயணம்

2022-01-25@ 01:52:45

ஜம்ஷெட்பூர்: எவரெஸ்ட் சிகரம் வென்ற பச்சேந்திரி பால் தலைமையில் 10 பேர் கொண்ட 50 வயதுக்கு மேற்பட்ட இந்திய மகளிர் குழு இமயமலை சாதனை பயணத்தை மார்ச் 8ம் தேதி தொடங்க இருக்கிறது. டாடா ஸ்டீஸ் அட்வென்ச்சர் பவுண்டேஷன் சார்பில் ‘பிட்@50+ மகளிர் டிரான்ஸ் இமாலயம் எக்ஸ்பிடிசியன் எனும் குழு  மகளிர் தினமான மார்ச் 8ம் தேதி இமயமலை பயணம் தொடங்குகிறது. அருணாசல பிரதேசத்தில் இருந்து தொடங்கி லடாக் வரை இவர்களது பயணம்  5 மாதத்தில் 37 மலைகள் மற்றும் கணவாய் வழியாக 4,625 கி.மீ. உயரத்தை அடைகிறது. கடந்த ஆண்டு தொடங்க வேண்டிய இப்பயணம் கொரோனா தொற்றால் ஒத்திவைக்கப்பட்டிருந்தது. அனைத்து வயதிலும் பெண்கள் தங்கள் உடல்நலத்தை பேணி பாதுகாத்து ஆரோக்கியமாக வாழ வேண்டும் என்ற நோக்கத்தில் இந்த மலை ஏற்ற பயணம் தொடங்குகிறது. இந்த 10 பேர் கொண்ட குழுவை எவரெஸ்ட் சிகரம் வென்ற பச்சேந்திரி பால் வழிநடத்துகிறார்.

இது குறித்து அவர் கூறுகையில், ‘இப்பயணம் தொடங்கும் போது எனக்கு 67 வயது பூர்த்தியாகிறது. இக்குழுவில் எவரெஸ்ட் சிகரம் தொட்ட 3 பேர் இடம்பெற்றுள்ளோம். இல்லத்தரசிகளும், தொழில் வல்லுநர்களும் உள்ளனர். அருணாசலபிரதேசம் பாங்காங் கணவாய் வழியாக பயணம் தொடங்கி கடினமான பாதைகளில் ஒன்றான லம்காகா கணவாயை கடந்து லே-லடாக் பகுதியில் முடிவடையும்.’ இவ்வாறு அவர் கூறினார்.

Like Us on Facebook Dinkaran Daily News
  • pudha_purnima

    உலகம் முழுவதும் புத்த பூர்ணிமா கோலாகல கொண்டாட்டம்..!!

  • nellai-16

    நெல்லை மாவட்டம் முன்னீர்பள்ளம் அருகே கல்குவாரியில் பாறை சரிந்து விழுந்து விபத்து; மீட்பு பணிகள் தீவிரம்..!!

  • nepallumbii

    நேபாளத்தில் பிரதமர் மோடி...லும்பினியில் புத்தர் பிறந்த இடத்தில் உள்ள மாயாதேவி கோவிலில் சிறப்பு வழிபாடு!! .

  • ooty-rose-exhi-14

    50,000 ரோஜாக்களால் உருவான மரவீடு, மஞ்சப்பை...!: துவங்கியது ஊட்டி ரோஜா மலர் கண்காட்சி..வியப்புடன் கண்டு ரசிக்கும் சுற்றுலா பயணிகள்..!!

  • odisha_park

    இந்தியாவில் முதல்முறையாக மாற்றுத்திறனாளிகளுக்கான உணர்வு பூங்கா ஒடிசாவில் திறப்பு..!!!

படங்கள் வீடியோ கல்வி சினிமா ஜோ‌திட‌ம்