SUN குழுமத்திலிருந்து வெளிவரும் காலை நாளிதழ்

அவர்களை வளர்த்துவிட்டோம்; ஆனால் பலனில்லை பாஜகவுடன் நட்பு வைத்ததால் 25 ஆண்டுகள் ‘வேஸ்ட்’- உத்தவ் தாக்கரே காட்டம்

2022-01-24@ 21:12:49

மும்பை: சிவசேனா கட்சி நிறுவனர் பாலாசாகேப் தாக்கரேவின் 96வது பிறந்தநாளையொட்டி, மகாராஷ்டிர முதல்வரும், சிவசேனா தலைவருமான உத்தவ் தாக்கரே மும்பையில் கட்சி தொண்டர்கள் மத்தியில் பேசுகையில், ‘கடந்த 25 ஆண்டுகளாக பாஜகவுடன் நண்பர்களாக இருந்தோம்; அவர்களை வளர்த்துவிட்டோம். அதற்கு ஈடாக எங்களுக்கு எதுவும் கிடைக்கவில்லை. இதனால் சிவசேனா தனது 25 ஆண்டுகால அரசியல் பயணத்தை வீணடித்துவிட்டது.

மக்களவை தேர்தலாக இருந்தாலும் சரி, சட்டப் பேரவை தேர்தலாக இருந்தாலும் சரி, ஒவ்வொரு தேர்தலிலும் இந்த இரு கட்சிகளும் ஒன்றாகவே பயணித்தன. ஆனால் கடந்த 2 ஆண்டுகளுக்கு முன்பு மகாராஷ்டிர சட்டசபை தேர்தலுக்கு பின், இருகட்சிகளிடையே ஒருமித்த கருத்து இல்லாததால் கூட்டணி உடைந்தது.

பாஜக உடனான கூட்டணியில் இருந்து வெளியேறி காங்கிரஸ், தேசியவாத காங்கிரஸ் போன்ற எதிர் கட்சிகளுடன் இணைந்து ஆட்சி அமைத்ததால் நாங்கள் எங்களது சித்தாந்தத்தை கைவிட்டுவிட்டதாக பாஜக கூறி வருகிறது. சிவசேனா தனது இந்துத்துவா நிலைப்பாட்டை கைவிடவில்லை; இந்துத்துவாவுக்காக ஆட்சி, அதிகாரத்தை கைப்பற்ற நாங்கள் விரும்பினோம்; ஆனால் இந்துத்துவா மூலம் பாஜக ஆட்சியை கைப்பற்றியது.

பாஜகவின் இந்துத்துவா சித்தாந்தம் போலித்தனமானது. இந்துத்துவாவை விட்டு சிவசேனா வெளியேறிவிட்டதா? என்று எங்களிடம் கேட்பவர்களுக்கு, நாங்கள் தரும் பதில் என்னவென்றால், நாங்கள் பாஜகவை விட்டு வெளியேறிவிட்டோம் என்றே கூற விரும்புகிறோம்’ என்று கூறினார்.

மேலும் செய்திகள்

Like Us on Facebook Dinkaran Daily News
  • ooty_flower

    பூத்துக்குலுங்கும் வண்ண மலர்களோடு இன்று தொடங்கியது உதகை மலர் கண்காட்சி..!!

  • bharat111

    சென்னை ஐசிஎப் தொழிற்சாலையில் வந்தே பாரத் ரயில் பணிகள் : ஒன்றிய அமைச்சர் அஸ்வினி வைஷ்ணவ் ஆய்வு

  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

படங்கள் வீடியோ கல்வி சினிமா ஜோ‌திட‌ம்