SUN குழுமத்திலிருந்து வெளிவரும் காலை நாளிதழ்

யானை தந்தத்தில் புலி பல் செய்து விற்க முயன்ற தந்தை, மகன் கைது

2022-01-24@ 17:07:59

திருச்சி: தேனி மாவட்டம் தேவதானப்பட்டியில் யானை தந்தத்தில் புலி பல் செய்து விற்பனை செய்த 2 பேரை வனத்துறையினர் அண்மையில் கைது செய்தனர். அவர்களிடம் நடத்திய விசாரணையில், திருச்சி துவாக்குடி அருகே தேவராயநேரி நரிக்குறவர் காலனி பகுதியில் 2 பேர்  யானை தந்தத்தில் புலி பல் செய்து விற்பது தெரிய வந்தது. இதையடுத்து வன சரகர்கள் தேவராயநேரி பகுதியில் தீவிர தேடுதல் வேட்டை நடத்தினர். இந்த சோதனையில் நரிக்குறவர் காலனியை சேர்ந்த சவுந்தரராஜன்(52), அவரது மகன் அருண்பாண்டி(28) ஆகியோரிடம் சிறிய அளவிலான யானை தந்தம் இருந்தது கண்டுபிடிக்கப்பட்டது. யானை தந்தத்தை துண்டுகளாக்கி செயின், மோதிரங்களில் பதித்து அதிக விலைக்கு விற்க திட்டமிட்டிருந்தது தெரியவந்தது.

இதையடுத்து அவர்களிடமிருந்து 3 செமீ நீளம், 1.5 செமீ அகலத்தில் இருந்த யானை தந்தத்தில் இருந்த 2 புலி பல், மீதமுள்ள 3 சிறிய அளவிலான யானை தந்தத்தையும் பறிமுதல் செய்தனர். தொடர்ந்து 2 பேரையும் கைது செய்து வனத்துறையினர் தீவிர விசாரணை நடத்தினர். விசாரணையில் சென்னையில் யானை தந்தம் வாங்கியதாக தெரிவித்தனர். தொடர்ந்து, இருவரையும் நேற்று நீதிமன்றத்தில் ஆஜர்படுத்தி சிறையில் அடைத்தார். மேலும் யானை தந்தம் இவர்களுக்கு எப்படி கிடைத்தது என்பது குறித்து தீவிர விசாரணை நடத்தி வருகின்றனர்.

Like Us on Facebook Dinkaran Daily News
  • pudha_purnima

    உலகம் முழுவதும் புத்த பூர்ணிமா கோலாகல கொண்டாட்டம்..!!

  • nellai-16

    நெல்லை மாவட்டம் முன்னீர்பள்ளம் அருகே கல்குவாரியில் பாறை சரிந்து விழுந்து விபத்து; மீட்பு பணிகள் தீவிரம்..!!

  • nepallumbii

    நேபாளத்தில் பிரதமர் மோடி...லும்பினியில் புத்தர் பிறந்த இடத்தில் உள்ள மாயாதேவி கோவிலில் சிறப்பு வழிபாடு!! .

  • ooty-rose-exhi-14

    50,000 ரோஜாக்களால் உருவான மரவீடு, மஞ்சப்பை...!: துவங்கியது ஊட்டி ரோஜா மலர் கண்காட்சி..வியப்புடன் கண்டு ரசிக்கும் சுற்றுலா பயணிகள்..!!

  • odisha_park

    இந்தியாவில் முதல்முறையாக மாற்றுத்திறனாளிகளுக்கான உணர்வு பூங்கா ஒடிசாவில் திறப்பு..!!!

படங்கள் வீடியோ கல்வி சினிமா ஜோ‌திட‌ம்