SUN குழுமத்திலிருந்து வெளிவரும் காலை நாளிதழ்

ஞாயிறு முழு ஊரடங்கால் குற்றால அருவிகள் வெறிச்சோடியது

2022-01-24@ 12:52:10

தென்காசி : ஞாயிற்றுக்கிழமை முழு ஊரடங்கு காரணமாக குற்றாலம் அருவிகள் சுற்றுலா பயணிகள் வருகை இன்றி வெறிச்சோடி காணப்பட்டன. கொரோனா மூன்றாவது அலையை தடுக்கும் வகையில் அரசு பல்வேறு நடவடிக்கைகளில் ஈடுபட்டு வருகிறது. தடுப்பூசி முகாம்கள், பூஸ்டர் தடுப்பூசி, இரவு நேர ஊரடங்கு, ஞாயிற்றுக்கிழமை முழு ஊரடங்கு, முக கவசம் அணிதல், சமூக இடைவெளி என பல்வேறு வகைகளில் பரவலை கட்டுப்படுத்துவதற்காக அரசு நடவடிக்கை மேற்கொண்டு வருகிறது. நேற்று ஞாயிற்றுக்கிழமை முழு ஊரடங்கு காரணமாக குற்றாலத்தில் அருவிகளில் குளிப்பதற்கு தடை விதிக்கப்பட்டிருந்தது. இதனால் நேற்று முன்தினம் இரவு முதல் சுற்றுலா பயணிகள் அருவிகளில் குளிக்க அனுமதிக்கப்படவில்லை.

தடையை மீறி யாரும் குளிக்காதவாறு போலீசார் தடுப்புகள் அமைத்து பாதுகாப்பு பணியில் ஈடுபட்டனர். இதனால் குற்றாலத்தில் அனைத்து அருவிகளிலும் ஆள் நடமாட்டம் இன்றி வெறிச்சோடி காணப்பட்டது.

ஜனவரி மாதத்தின் இறுதியை எட்டி விட்ட நிலையிலும் குற்றால அருவிகளில் ஓரளவு தண்ணீர் விழுகிறது. மெயினருவியில் ஆண்கள் பகுதியில் குறைவாகவும் பெண்கள் பகுதியில் பாறையை ஓட்டினாற்போன்று சிறிதளவு தண்ணீரும் விழுகிறது. ஐந்தருவியில் இரண்டு பிரிவுகளில் ஓரளவு தண்ணீர் விழுகிறது. பழைய குற்றால அருவியிலும் ஓரளவு தண்ணீர் விழுகிறது. முழு ஊரடங்கு மற்றும் இரவு நேர ஊரடங்கு காலை 5 மணியுடன் நிறைவடையும் நிலையில் அருவிகளில் இன்று காலை 6 மணி முதல் மீண்டும் சுற்றுலா பயணிகள் குளிக்க அனுமதிக்கப்படுவர்.

மேலும் செய்திகள்

Like Us on Facebook Dinkaran Daily News
  • peru_Clowns Day

    பெரு நாட்டில் களைகட்டிய கோமாளிகள் தினம்.!! குழந்தைகளுடன் மக்கள் உற்சாக வரவேற்பு

  • yercaussss

    ஏற்காட்டில் கோடை விழா: பட்டாம்பூச்சி, சின்சான் உருவம், மஞ்சப்பை உள்ளிட்ட வடிவங்கள் மலர்களால் வடிவமைப்பு!!

  • america_primery

    அமெரிக்க தொடக்கப்பள்ளியில் துப்பாக்கிசூடு..!! குழந்தைகள் உள்பட 20 பேர் பலி

  • shortest-man-world-25

    மொத்த உயரமே 73 செ.மீ. தான்!: கின்னஸ் சாதனை படைத்த உலகின் மிக குள்ளமான மனிதர்..!!

  • modheadd1

    பிரதமர் மோடி அணிந்த வித்தியாசமான தலைப்பாகைகள்!!

படங்கள் வீடியோ கல்வி சினிமா ஜோ‌திட‌ம்