குறிஞ்சிப்பாடி : குறிஞ்சிப்பாடி பகுதியில் வாழை, முருங்கை, முந்திரியில் ஊடுபயிராக வேர்க்கடலை சாகுபடி செய்ய விவசாயிகள் ஆர்வம் காட்டி வருகின்றனர்.கடலூர் மாவட்டத்திற்கு வேர்க்கடலை மாவட்டம் என்ற சிறப்பு பெயர் உண்டு. மாவட்டத்தில், குறிஞ்சிப்பாடி மற்றும் சுற்றியுள்ள பகுதிகளில் அதிக அளவில் வேர்க்கடலை பயிர்கள் சாகுபடி செய்வது வழக்கம்.

நடப்பாண்டில் பெய்த வடகிழக்கு பருவமழையை பயன்படுத்தி குறிஞ்சிப்பாடி,  குள்ளஞ்சாவடி, சமட்டிக்குப்பம், புலியூர், வெங்கடாம்பேட்டை, சத்திரம், விருப்பாச்சி, தையல்குணம்பட்டினம், வடக்குத்து, பெத்தநாயக்கன்குப்பம், அகரம், தம்பிபேட்டை உள்ளிட்ட பகுதிகளில் 8 ஆயிரத்து 750 ஏக்கர் பரப்பளவில் வேர்க்கடலை சாகுபடி செய்யப்பட்டுள்ளது.  
அதில், வெங்கடாம்பேட்டை, சத்திரம், குள்ளஞ்சாவடி, வழுதலம்பட்டு உள்ளிட்ட பல கிராமங்களில் வாழை, முருங்கை, முந்திரி உள்ளிட்ட மரப்பயிர்களில் ஊடுபயிராக  வேர்க்கடலை சாகுபடி செய்ய விவசாயிகள் ஆர்வம் காட்டி வருகின்றனர்.