கன்னியாகுமரி: கன்னியாகுமரி அருகே கோவளம் கடற்கரை பகுதியில் 100க்கும்  மேற்பட்ட டால்பின்கள் கரை ஒதுங்கியதால் பரபரப்பு ஏற்பட்டது. கன்னியாகுமரி அருகே உள்ள கோவளம் கடற்கரை பகுதியில் திடீரென 100க்கும்  மேற்பட்ட டால்பின்கள் கரை ஒதுங்கின. இவற்றில் பல டால்பின்கள் உயிருக்கு போராடின . இதையடுத்து அப்பகுதி மீனவர்கள் தமிழ்நாடு கடலோர பாதுகாப்பு போலீசாருக்கு தகவல் தெரிவித்தனர். கடலோர பாதுகாப்பு போலீசார், மீனவர்களுடன் இணைந்து உயிருக்கு போராடிய டால்பின்களை பத்திரமாக மீட்டு மீண்டும் கடலுக்குள் விட்டனர்.

கரை ஒதுங்கிய டால்பின்களில் ஒன்று மட்டும் உயிரிழந்தது. மீனவர்கள் மற்றும் கடலோர போலீசாரின் துரிதமான நடவடிக்கையால் நூற்றுக்கணக்கான டால்பின்கள் உயிர் தப்பித்தன. இயற்கைக்கு மாறான கடல் போக்கு காரணமாக கன்னியாகுமரியில் மேற்கு கடற்கரை பகுதிகளில் இதுபோன்று டால்பின்கள் இடம்பெயர்வதும், கரை ஒதுக்குவதும் அவ்வப்போது நடப்பது உண்டு என கூறப்படுகிறது.