SUN குழுமத்திலிருந்து வெளிவரும் காலை நாளிதழ்

சையது மோடி சர்வதேச பேட்மின்டன்...அரை இறுதியில் சிந்து

2022-01-22@ 00:12:37

லக்னோ: சையது மோடி சர்வதேச பேட்மின்டன் தொடரின் மகளிர் ஒற்றையர் பிரிவு அரையிறுதியில் விளையாட, இந்திய வீராங்கனை பி.வி.சிந்து தகுதி பெற்றார். காலிறுதியில் தாய்லாந்தின் சுபனிதா கேட்திங்குடன் நேற்று மோதிய சிந்து 11-21 என்ற கணக்கில் முதல் செட்டை இழந்து பின்தங்கினார். பின்னர் சுதாரித்துக் கொண்டு அடுத்த 2 செட்களிலும் சிறப்பாக விளையாடி புள்ளிகளைக் குவித்த அவர் 11-21, 21-12, 21-17 என்ற கணக்கில் வென்று அரையிறுதிக்கு முன்னேறினார். இப்போட்டி 1 மணி, 5 நிமிடத்தில் முடிவுக்கு வந்தது.

அரையிறுதியில் ரஷ்யாவின் எவ்ஜெனியா கொசெட்ஸ்கயாவுடன் சிந்து மோதுகிறார். பிரனாய் வெளியேற்றம்: ஆண்கள் ஒற்றையர் பிரிவு காலிறுதியில் பிரான்ஸ் வீரர் அர்னாட் மெர்க்லேவுடன் மோதிய எச்.எஸ்.பிரனாய் (இந்தியா) 19-21, 16-21 என்ற நேர் செட்களில் தோற்று ஏமாற்றத்துடன் வெளியேறினார். இப்போட்டி 59 நிமிடத்துக்கு நீடித்தது.

மஞ்சுநாத் அசத்தல்: மற்றொரு இந்திய வீரர் மிதுன் மஞ்சுநாத் தனது காலிறுதியில் 11-21, 21-12, 21-18 என்ற செட் கணக்கில் போராடி வென்றார். அரையிறுதியில் மஞ்சுநாத் - மெர்க்லே மோதுகின்றனர்.  கலப்பு இரட்டையர் பிரிவு அரையிறுதியில் விளையாட இந்தியாவின் எம்.ஆர்.அர்ஜுன் - ட்ரீசா ஜாலி ஜோடி தகுதி பெற்றுள்ளது.

Like Us on Facebook Dinkaran Daily News
  • pudha_purnima

    உலகம் முழுவதும் புத்த பூர்ணிமா கோலாகல கொண்டாட்டம்..!!

  • nellai-16

    நெல்லை மாவட்டம் முன்னீர்பள்ளம் அருகே கல்குவாரியில் பாறை சரிந்து விழுந்து விபத்து; மீட்பு பணிகள் தீவிரம்..!!

  • nepallumbii

    நேபாளத்தில் பிரதமர் மோடி...லும்பினியில் புத்தர் பிறந்த இடத்தில் உள்ள மாயாதேவி கோவிலில் சிறப்பு வழிபாடு!! .

  • ooty-rose-exhi-14

    50,000 ரோஜாக்களால் உருவான மரவீடு, மஞ்சப்பை...!: துவங்கியது ஊட்டி ரோஜா மலர் கண்காட்சி..வியப்புடன் கண்டு ரசிக்கும் சுற்றுலா பயணிகள்..!!

  • odisha_park

    இந்தியாவில் முதல்முறையாக மாற்றுத்திறனாளிகளுக்கான உணர்வு பூங்கா ஒடிசாவில் திறப்பு..!!!

படங்கள் வீடியோ கல்வி சினிமா ஜோ‌திட‌ம்