SUN குழுமத்திலிருந்து வெளிவரும் காலை நாளிதழ்

சென்னையில் ஊரடங்கை மீறியதாக 5,803 பேர் மீது வழக்கு பதிவு : அபராதமாக ₹11.7 லட்சம் வசூல்

2022-01-17@ 01:10:40

சென்னை : சென்னை முழுவதும் கடந்த 31 மணி நேரம் கொரோனா முழு ஊரடங்கின் விதிகளை மீறியது உள்பட பல்வேறு பிரிவுகளின் கீழ் மொத்தம் 5,803 பேர் மீது போலீசார் வழக்கு பதிவு செய்து அபராதமாக ₹11.7 லட்சம் வசூலித்தனர். கொரோனா தொற்றை கட்டுப்படுத்தும் வகையில் 31 மணி நேரம் முழு ஊரடங்கு நேற்று முன்தினம் இரவு 10 மணி முதல் அமல்படுத்தப்பட்டது. இதற்காக சென்னை மாநகரம் முழுவதும் 312 இடங்களில் போலீசார் தடுப்புகள் அமைத்து தீவிர வாகன சோதனை என 10 ஆயிரம் போலீசார் பாதுகாப்பு பணியில் ஈடுபட்டனர்.

அந்த வகையில் சனிக்கிழமை இரவு 10 மணி முதல் நேற்று அதிகாலை 5 மணி வரை அதாவது 31 மணி நேரம் தொடர் முழு ஊரடங்கு நடைபெற்றது.  இதில் முழு ஊரடங்கில் கொரோனா விதிகளை மீறியதாக 103 பேர் மீது வழக்கு பதிவு செயய்ப்பட்டது. அதேபோல், அத்தியாவசிய தேவையின்றி வெளியே சுற்றிய நபர்களிடம் இருந்து 280 பைக்குகள் 16 ஆட்டோக்கள், 11 இலகுரக வாகனம் என மொத்தம் 307 வாகனங்கள் பறிமுதல் செய்யப்பட்டது.

மேலும், முகக்கவசம் அணியாமல் வெளியே சுற்றியதாக 5,469 பேர் மீது வழக்கு பதிவு செய்து அவர்களிடம் இருந்து அபராதமாக 10 லட்சத்து 93 ஆயிரத்து 800 ரூபாய் வசூலிக்கப்பட்டது. சமூக இடைவெளி கடைப்பிடிக்காத  நபர்கள் மீது 27 வழக்குகள் பதிவு செய்து அவர்களிடம் இருந்து ₹13,500 பணம் அபராதமாக வசூலிக்கப்பட்டது.

அந்த வகையில் 31 மணி நேரம் தொடர் முழு ஊரடங்கில்  சென்னை மாநகரம் முழுவதும் மொத்தம் 5,803 பேர் மீது வழக்கு பதிவு செய்து அபராதமாக 11 லட்சத்து 7 ஆயிரத்து 300 ரூபாய் மாநகர காவல் துறை வசூலித்துள்ளது.

மேலும் செய்திகள்

Like Us on Facebook Dinkaran Daily News
  • peru_Clowns Day

    பெரு நாட்டில் களைகட்டிய கோமாளிகள் தினம்.!! குழந்தைகளுடன் மக்கள் உற்சாக வரவேற்பு

  • yercaussss

    ஏற்காட்டில் கோடை விழா: பட்டாம்பூச்சி, சின்சான் உருவம், மஞ்சப்பை உள்ளிட்ட வடிவங்கள் மலர்களால் வடிவமைப்பு!!

  • america_primery

    அமெரிக்க தொடக்கப்பள்ளியில் துப்பாக்கிசூடு..!! குழந்தைகள் உள்பட 20 பேர் பலி

  • shortest-man-world-25

    மொத்த உயரமே 73 செ.மீ. தான்!: கின்னஸ் சாதனை படைத்த உலகின் மிக குள்ளமான மனிதர்..!!

  • modheadd1

    பிரதமர் மோடி அணிந்த வித்தியாசமான தலைப்பாகைகள்!!

படங்கள் வீடியோ கல்வி சினிமா ஜோ‌திட‌ம்