சென்னை: தமிழகத்தில் கொரோனா  மற்றும் ஒமிக்ரான் வைரஸ் தொற்று பரவலை கட்டுப்படுத்த கடந்த 6ம் தேதி முதல் 31ம் ேததி வரை வார நாட்களில் இரவு 10 மணி முதல்  அதிகாலை 5 மணி வரையில் இரவு நேர ஊரடங்கும், ஞாயிற்றுக்கிழமைகளில் முழு  ஊரடங்கும் அமல்படுத்தப் பட்டுள்ளது. சென்னை  காவல் ஆணையர் சங்கர் ஜிவால் உத்தரவின்பேரில், சென்னை காவல் சரக எல்லைக்குட்பட்ட பகுதியில் மொத்தம் 312  சோதனை சாவடிகள் அமைக்கப்பட்டு 10,000 போலீசார்  பாதுகாப்பு பணியில் ஈடுபடுத்தப்பட்டுள்ளனர்.

இந்நிலையில், நேற்று முன்தினம் சென்னையில் இரவு நேர ஊரடங்கில் அத்தியாவசிய  தேவையின்றி வெளியே சுற்றியதாக 140 வழக்குகள் பதிவு செய்யப்பட்டு, 284 இருசக்கர வாகனங்கள், 8 ஆட்டோக்கள் மற்றும் 5 லகுரக வாகனங்கள் என மொத்தம் 297 வாகனங்களை சட்டம் ஒழுங்கு போலீசார் பறிமுதல் செய்தனர். இதேபோல், முகக்கவசம்  அணியாத 5,640 பேர் மீது வழக்கு பதிவு செய்யப்பட்டு, ரூ.11,28,000  அபராதமும், சமூக இடைவெளி கடைபிடிக்காதது தொடர்பாக 30 வழக்கு பதிவு  செய்யப்பட்டு, ரூ.15,000 அபராதமும் வசூலிக்கப்பட்டது. போக்குவரத்து போலீசார் மேற்கொண்ட வாகன சோதனையில்  போதையில் வாகனம் ஓட்டியதாக 2 இருசக்கர வாகனங்கள் மற்றும் 1  ஆட்டோ என மொத்தம் 3 வாகனங்கள் பறிமுதல் செய்யப்பட்டன.