SUN குழுமத்திலிருந்து வெளிவரும் காலை நாளிதழ்

கோயில் நிலங்கள் குத்தகை விடுவதை எதிர்த்த வழக்கு விரைவில் அறங்காவலர்கள் நியமனம்: ஐகோர்ட்டில் அரசு பதில்

2021-12-09@ 00:24:32

சென்னை: தமிழகத்தில் உள்ள குறிப்பிட்ட எண்ணிக்கையிலான கோயில்களுக்கு விரைவில் அறங்காவலர்கள் நியமிக்கப்படுவர் என தமிழக அரசு சென்னை உயர் நீதிமன்றத்தில் தெரிவித்துள்ளது. செங்கல்பட்டு மாவட்டம் அச்சரப்பாக்கத்தில் உள்ள விஜய வரதராஜ பெருமாள் கோயிலுக்கு சொந்தமான பாபுராயன் பேட்டையில் 250 ஏக்கர் நிலத்தை ஏலம் மூலம் குத்தகைக்கு விட கடந்த நவம்பர் 24ம் தேதி அறிவிப்பு வெளியிடப்பட்டது. இதை எதிர்த்து வழக்கறிஞர் ஜெகன்நாத் சென்னை உயர் நீதிமன்றத்தில் வழக்கு தொடர்ந்துள்ளார்.

இந்த வழக்கு பொறுப்பு தலைமை நீதிபதி முனீஷ்வர்நாத் பண்டாரி மற்றும் நீதிபதி ஆதிகேசவலு அடங்கிய அமர்வில் விசாரணைக்கு வந்தபோது, அறங்காவலர்கள் இல்லாத நிலையில் கோயில் சொத்துக்களை ஏலம் விடக் கூடாது என மனுதாரர் தரப்பில் வாதிடப்பட்டது. தமிழக அரசு சார்பில் ஆஜரான தலைமை வழக்கறிஞர் சண்முகசுந்தரம், குறிப்பிட்ட எண்ணிக்கையிலான கோயில்களுக்கு விரைவில் அறங்காவலர்கள் நியமிக்கப்படுவர் என தெரிவித்தார். இதையடுத்து, ஏல நடவடிக்கைகளை தொடர அனுமதியளித்த நீதிபதிகள், ஏலத்தை இறுதி செய்யக் கூடாது என உத்தரவிட்டு, விசாரணையை டிசம்பர் 15ம் தேதிக்கு தள்ளிவைத்தனர்.

மேலும் செய்திகள்

Like Us on Facebook Dinkaran Daily News
  • israel-desert-24

    இஸ்ரேலில் உள்ள பாலைவனத்தில் நடத்தப்பட்ட அகழ்வாராய்ச்சியில் பழங்கால மசூதி கண்டுபிடிப்பு..!!

  • Ecuador_protests

    ஈக்வேடாரில் தொடர்ந்து உயரும் எரிபொருட்களின் விலையால் பொதுமக்கள் சாலையில் போராட்டம்..!!

  • pondi-scl-23

    புதுச்சேரியில் இன்று பள்ளிகள் திறப்பு: மாணவர்களை உற்சாகமாக வரவேற்ற ஆசிரியர்கள்..!!

  • admk-23

    50 ஆண்டுகளில் முதன்முறையாக தொடங்கிய சில நிமிடங்களிலேயே முடிந்தது அதிமுக பொதுக்குழு கூட்டம்..!!

  • Goat_Pakistan

    பாகிஸ்தானில் 48 செ.மீ. நீளமுடைய காதைக் கொண்டு உலக சாதனை படைத்த சிம்பா ஆட்டுக்குட்டி..!!!

படங்கள் வீடியோ கல்வி சினிமா ஜோ‌திட‌ம்