SUN குழுமத்திலிருந்து வெளிவரும் காலை நாளிதழ்

செல்வந்தர்கள் அதிகரித்து, ஏழைகள் நிரம்பிய சமத்துவமற்ற நாடு இந்தியா: 22% சொத்துக்கள் 1% பேரிடம் குவிந்துள்ளது..ஆய்வில் தகவல்

2021-12-08@ 15:53:53

டெல்லி: இந்தியாவில் ஏழை, பணக்காரர் என்ற ஏற்றத்தாழ்வு அதிகரித்துள்ளதாகவும், நாட்டின் ஒட்டுமொத்த வருமானத்தில் 22 சதவீதம் ஒரு சதவீத மக்களிடம் இருப்பதாகவும் உலக சமத்துவமின்மை அறிக்கையில் தெரிவிக்கப்பட்டுள்ளது. இந்தியாவில் கொரோனா தொற்றுக்கு பின்பு ஏற்பட்ட பொருளாதார மற்றும் வர்த்தக மாற்றத்தில் அதிகப்படியான நடுத்தர மக்கள் வறுமைக்கோட்டிற்கு கீழ் தள்ளப்பட்டு உள்ளனர். பல வர்த்தகம், வேலைவாய்ப்பு இழந்து மோசமான நிலைக்கு சென்று இன்றளவும் மீள முடியாமல் உள்ளனர்.

இந்நிலையில், உலக சமத்துவமின்மை தரவுத்தளம் வெளியிட்டுள்ள அறிக்கையில் உலக அளவில் மக்களிடையே சமத்துவமின்மை அதிகமாக இருக்கும் நாடுகளின் எண்ணிக்கை அதிகரித்து வருவதாகவும் அதில் சமத்துவமின்மை அதிகமாக இருக்கும் நாடுகளில் ஒன்றாக இந்தியா விளங்குவதாகவும் தெரிவிக்கப்பட்டுள்ளது. இந்திய இளைஞர்களின் சராசரி ஆண்டு வருமானம் 2.04,200 ரூபாயாக இருப்பதாகவும், அதில் 50 சதவீத மக்களின் ஆண்டு வருமானம் வெறும் 53,610 ரூபாயாக இருப்பதாகவும், 10 சதவீத மக்கள் 20 மடங்கு அதிகமாக வருமானம் ஈட்டுவதாகவும் அதாவது ஆண்டுக்கு 11,66,520 ரூபாய் வருமானம் பெறுவதாகவும் கூறப்பட்டுள்ளது.

ஆனால் நாட்டின் ஒட்டுமொத்த வருமானத்தில், 22 சதவீத தொகை, 1 சதவீத மக்களிடமே குவிந்திருப்பதாகவும், 10 சதவீத மக்களிடம் 57 சதவீத வருமானம் இருப்பதாகவும், 50 சதவீத மக்களிடம் வெறும் 13 சதவீதம் வருமானம் மட்டுமே உள்ளதாகவும் தெரிவிக்கப்பட்டுள்ளது. இந்தியா ஏழைகள் நிரம்பிய, சமத்துவமற்ற நாடாகவும், செல்வந்தர்கள் உயர்ந்து தனித்துவமாக தெரியும் நாடாகவும் திகழ்வதாக கூறப்பட்டுள்ளது. அமெரிக்கா, ரஷ்யா மற்றும் இந்தியாவில் சமத்துவமின்மை வேகமாக அதிகரித்துள்ளதாகவும் அறிக்கையில் குறிப்பிடப்பட்டுள்ளது.

இந்தியாவில் பண இருப்பவர்கள் மற்றும் பண இல்லாதவர்கள் எண்ணிக்கை எந்த அளவிற்கு உயர்கிறதோ, அதே அளவிற்கு இருதரப்பு மத்தியிலான இடைவேளையும் அதிகரித்து வருகிறது என்பது குறிப்பிடத்தக்கது. இதேபோல் இந்தியாவில் பாலின சமத்துவமின்மையும் அதிகமாக உள்ளது.

மேலும் செய்திகள்

Like Us on Facebook Dinkaran Daily News
  • israel-desert-24

    இஸ்ரேலில் உள்ள பாலைவனத்தில் நடத்தப்பட்ட அகழ்வாராய்ச்சியில் பழங்கால மசூதி கண்டுபிடிப்பு..!!

  • Ecuador_protests

    ஈக்வேடாரில் தொடர்ந்து உயரும் எரிபொருட்களின் விலையால் பொதுமக்கள் சாலையில் போராட்டம்..!!

  • pondi-scl-23

    புதுச்சேரியில் இன்று பள்ளிகள் திறப்பு: மாணவர்களை உற்சாகமாக வரவேற்ற ஆசிரியர்கள்..!!

  • admk-23

    50 ஆண்டுகளில் முதன்முறையாக தொடங்கிய சில நிமிடங்களிலேயே முடிந்தது அதிமுக பொதுக்குழு கூட்டம்..!!

  • Goat_Pakistan

    பாகிஸ்தானில் 48 செ.மீ. நீளமுடைய காதைக் கொண்டு உலக சாதனை படைத்த சிம்பா ஆட்டுக்குட்டி..!!!

படங்கள் வீடியோ கல்வி சினிமா ஜோ‌திட‌ம்