SUN குழுமத்திலிருந்து வெளிவரும் காலை நாளிதழ்

அமெரிக்காவிலும் கால்பதித்தது உருமாறிய ஒமிக்ரான் கிருமி: தெ.ஆப்பிரிக்காவில் இருந்து திரும்பிய இளைஞர் ஒருவருக்கு தொற்று உறுதி..!!

2021-12-02@ 10:25:55

வாஷிங்டன்: 20க்கும் மேற்பட்ட நாடுகளில் உருமாறிய ஒமிக்ரான் கிருமி பாதிப்பு கண்டறியப்பட்டுள்ள நிலையில் அமெரிக்காவில் முதல் ஒமிக்ரான் தொற்று உறுதிப்படுத்தப்பட்டுள்ளது. வாஷிங்டன் டி.சி.யில் பேசிய அமெரிக்காவின் தலைமை மருத்துவ ஆலோசகர் அந்தோணி ஃபவுசி தென்ஆப்பிரிக்காவில் இருந்து திரும்பிய அமெரிக்கர் ஒருவருக்கு கொரோனா தொற்று கண்டறியப்பட்டதாக கூறினார். நவம்பர் 22ம் தேதி தென்ஆப்பிரிக்காவில் இருந்து அமெரிக்கா திரும்பிய கலிபோர்னியாவை சேர்ந்த இளைஞருக்கு கடந்த 29ம் தேதி தொற்று உறுதியாகி இருப்பதாக அந்தோணி ஃபவுசி தெரிவித்தார்.

அவரை தனிமைப்படுத்தி கண்காணித்து வருவதாக கூறிய அந்தோணி ஃபவுசி, ஒமிக்ரான் கிருமியால் பாதிக்கப்பட்ட இளைஞருடன் தொடர்பில் இருந்தவர்கள் கண்டறியப்பட்டு சோதனைகளுக்கு உட்படுத்தப்பட்டுள்ளதாக குறிப்பிட்டார். இரண்டு தவணை தடுப்பூசி செலுத்திய பின்னரும் அமெரிக்க இளைஞருக்கு ஒமிக்ரான் பாதிப்பு ஏற்பட்டிருப்பதால் அமெரிக்கர்கள் விரைவில் கூடுதல் தவணை தடுப்பூசி செலுத்திக்கொள்ள வேண்டும் என்று ஃபவுசி அறிவுறுத்தியிருக்கிறார்.

இந்நிலையில் ஒமிக்ரான் கிருமி முதல் முதலில் கண்டறியப்பட்ட தென்ஆப்பிரிக்காவில் கொரோனா பரவல் இரு மடங்காக உயர்ந்திருப்பதால் அந்நாட்டு சுகாதாரத்துறையினர் அதிர்ச்சியடைந்துள்ளனர். கடந்த 24 மணி நேரத்தில் மட்டும் 8,561 பேருக்கு கொரோனா பாதிப்பு உறுதி செய்யப்பட்டுள்ளது. அவர்களுக்கு ஒமிக்ரான் பாதிப்பு உள்ளதா? என்பதை அறிய அனைவரின் மாதிரிகள் சேகரிக்கப்பட்டு மரபணு வரிசைமுறை ஆய்வுக்கு அனுப்பப்பட்டுள்ளன. இதனிடையே 60 வயதினருக்கும் மேற்பட்டோருக்கு கட்டாய தடுப்பூசி அளிக்கும் திட்டத்திற்கு கிரீஸ் அரசு ஒப்புதல் வழங்கி இருக்கிறது.

மேலும் செய்திகள்

Like Us on Facebook Dinkaran Daily News
  • Avanyapuram

    அவனியாபுரம் ஜல்லிக்கட்டு

  • Jallikkattu

    ஜல்லிக்கட்டு போட்டி: சீறிப் பாய்ந்து வரும் காளையை அடக்க முயன்ற வீரர்கள்

  • Bogi_Festival_People_Celebrate

    போகி பண்டிகையையொட்டி பழைய பொருட்களை தீயிட்டு மக்கள் கொண்டாட்டம்

  • simla-snow-11

    உறையும் பனி...வெண்பனி போர்வையுடன் காட்சியளிக்கும் சிம்லா: குளுகுளு புகைப்படங்கள்

  • pig-heart-human-11

    உலகில் முதன்முறையாக பன்றியின் இதயத்தை மனிதனுக்கு பொருத்தி மருத்துவர்கள் சாதனை..!!

படங்கள் வீடியோ கல்வி சினிமா ஜோ‌திட‌ம்