SUN குழுமத்திலிருந்து வெளிவரும் காலை நாளிதழ்

அமராவதி அணையில் இருந்து 6வது முறையாக உபரிநீர் வெளியேற்றம்

2021-11-28@ 14:01:52

உடுமலை: நீர்வரத்து அதிகரித்ததால், அமராவதி அணையில் இருந்து நள்ளிரவு தண்ணீர் திறக்கப்பட்டது. திருப்பூர் மாவட்டம் உடுமலையில் உள்ள அமராவதி அணை 90 அடி உயரம் கொண்டது. இதன்மூலம், திருப்பூர், கரூர் மாவட்டங்களில் சுமார் 55 ஆயிரம் ஏக்கர் நிலம் பாசன வசதி பெறுகிறது. நூற்றுக்கணக்கான கிராமங்களும் குடிநீர் வசதி பெறுகின்றன. தென்மேற்கு பருவமழை காலம் அணைக்கு முக்கிய நீராதாரமாக உள்ளது. வடகிழக்கு பருவமழை காலமான அக்டோபர் முதல் டிசம்பர் வரையும் கணிசமான அளவு நீர்வரத்து இருக்கும்.  இந்த ஆண்டு பருவமழை போதிய அளவில் பெய்ததால் அமராவதி  அணை நிரம்பியது.

கடந்த சில வாரங்களாக அணை நீர்மட்டம் தொடர்ந்து முழு கொள்ளளவில் இருந்து வருகிறது. ஏற்கனவே, 5 முறை உபரிநீர் வெளியேற்றப்பட்டுள்ளது. கடைசியாக கடந்த 18ம் தேதி உபரிநீர் வெளியேற்றப்பட்ட பிறகு, தொடர்ந்து 88 அடியிலேயே நீர்மட்டம் இருந்தது. நீர்வரத்து சீராக இருந்தது.  இந்நிலையில், நேற்று முன்தினம் நள்ளிரவு நீர்வரத்து அதிகரித்தது. இதையடுத்து, 3 ஷட்டர்கள் வழியாக நள்ளிரவு 2 மணி முதல் உபரிநீர் வெளியேற்றப்பட்டு வருகிறது. நேற்று காலை நீர்வரத்து 4843 அடியாக இருந்தது. 5041 கனஅடி நீர் வெளியேற்றப்பட்டது. இந்த ஆண்டு மட்டும் 6 முறை உபரிநீர் வெளியேற்றப்பட்டுள்ளது குறிப்பிடத்தக்கது.

Like Us on Facebook Dinkaran Daily News
  • ncc-modi-medal-28

    டெல்லியில் என்.சி.சி. மாணவர்கள் அணிவகுப்பு நிகழ்ச்சி!: பிரதமர் நரேந்திர மோடி பங்கேற்பு..சிறந்து விளங்கிய மாணவர்களுக்கு பதக்கம் வழங்கினார்..!!

  • Srirangam_Temple_Elephant_Andal_Lakshmi

    ஸ்ரீரங்கம் கோவில் யானைகள் நடை பயிற்சிக்கான நீள பாதை மற்றும் குளியல் தொட்டி பயன்பாட்டிற்கு வந்தது: கும்மாளம் போடும் ஆண்டாள் மற்றும் லெட்சுமி

  • flag-drones-display-27

    காந்தியடிகள்..இந்திய வரைபடம்..தேசிய கொடியின் வடிவம்!: ஆயிரம் டிரோன்கள் மூலம் வானில் நிகழ்த்தப்பட்ட வர்ணஜாலம்..!!

  • trainnnnnjobbb

    ரயில்வே தேர்வு முறைேகட்டை எதிர்த்து போராட்டம்: பீகாரில் எக்ஸ்பிரஸ் ரயிலுக்கு தீ வைப்பு ..

  • oil-hair-peru-27

    சுற்றுச்சூழலை பாதுகாப்போம்!: கடலில் கசிந்த எண்ணெயை அகற்ற தலைமுடியை தானம் செய்யும் பெரு நாட்டவர்..!!

படங்கள் வீடியோ கல்வி சினிமா ஜோ‌திட‌ம்