SUN குழுமத்திலிருந்து வெளிவரும் காலை நாளிதழ்

ஆவடி அருகே பரபரப்பு; லிப்ட் கேட்பதுபோல் நாடகமாடி வாலிபரிடம் பைக், மோதிரம் பறிப்பு: கூகுள் பே மூலம் 12,000 கையாடல்

2021-11-16@ 16:47:18

ஆவடி: ஆவடி அருகே ஆயில்சேரி பகுதியில் லிப்ட் கேட்பதுபோல் நடித்து வாலிபரிடம் பைக், மோதிரத்தை பறித்த கும்பல், கூகுள் பே மூலம் 12 ஆயிரத்தை கையாடல் செய்துவிட்டு தப்பினர். சென்னை குன்றத்தூர், எருமையூர் கலைஞர் நகரை சேர்ந்தவர் அஜித்குமார் (24). இவர் சென்னையில் உள்ள தனியார் நிறுவனத்தில் மேலாளராக பணியாற்றி வருகின்றார். நேற்று மாலை அவர், நண்பரை பார்ப்பதற்காக பூந்தமல்லிக்கு பைக்கில் கிளம்பினார். இவர், ஆவடி அருகே ஆயில்சேரி பகுதியில் வந்தபோது சாலையோரம் நின்றிருந்த ஒரு வாலிபர், லிப்ட் கேட்டு அஜித்குமார் பைக்கில் ஏறியுள்ளார். பின்னர் அவருடன் அங்கிருந்து கொஞ்சதூரம் சென்றதும் மேலும் 2 பேர், பைக்கை மறித்து நிறுத்தியுள்ளனர்.

பின்னர் லிப்ட் கேட்டு ஏறிய நபர் உள்பட மூவரும் சேர்ந்து அஜித்குமாரை சுற்றிவளைத்து கத்திமுனையில் மிரட்டி செல்போன், மோதிரத்தை பறித்துள்ளனர். பின்னர் அஜித்குமாரின் கூகுள்பே மூலம் மற்றொரு வங்கி கணக்குக்கு 12 ஆயிரம் ரூபாயை மாற்றியுள்ளனர். இதன்பிறகு அஜித்குமாரின் பைக்கை பிடுங்கிக்கொண்டு மூவரும் அங்கிருந்து தப்பிவிட்டனர். இதுபற்றி அஜித்குமார் ஆவடி காவல்நிலையத்தில் புகார் செய்தார். இன்ஸ்பெக்டர் ஜெய்கிருஷ்ணா தலைமையில் போலீசார் வழக்குப்பதிவு செய்து, வழிப்பறி செய்து தப்பிய மூவரை தீவிரமாக தேடி வருகின்றனர்.

மேலும் செய்திகள்

Like Us on Facebook Dinkaran Daily News
  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

  • kolathur-chennai

    சென்னை கொளத்தூரில் 1.27 கோடியில் இறகுப்பந்து விளையாட்டு அரங்கை திறந்து வைத்து வீரர்களுடன் உற்சாகமாக விளையாடிய முதல்வர் மு.க.ஸ்டாலின்..!!

  • china-factory-fire-22

    சீனாவில் ரசாயன தொழிற்சாலையில் பயங்கர தீ விபத்து; 36 பேர் உயிரிழப்பு..!!

படங்கள் வீடியோ கல்வி சினிமா ஜோ‌திட‌ம்