SUN குழுமத்திலிருந்து வெளிவரும் காலை நாளிதழ்

தீபாவளி பண்டிகையையொட்டி 27ம் தேதி முதல் டியுசிஎஸ் மூலம் குறைந்த விலையில் பட்டாசு விற்பனை: தமிழக அரசு ஏற்பாடு

2021-10-24@ 00:50:53

தீபாவளி பண்டிகையையொட்டி, வருகிற 27ம் தேதி முதல் டியுசிஎஸ் நிறுவனம் மூலம் குறைந்த விலையில் பட்டாசு விற்பனை செய்ய தமிழக அரசு ஏற்பாடு செய்துள்ளது. இங்கு 20 முதல் 50 சதவீதம் விலை குறைவாக பட்டாசு கிடைக்கும். தீபாவளி பண்டிகையையொட்டி சென்னை மற்றும் புறநகர் பகுதிகளில் திருவல்லிக்கேணி நகர கூட்டுறவு மொத்த விற்பனை பண்டக சாலை (டியுசிஎஸ்) மூலம் ஒவ்வொரு ஆண்டும் பட்டாசு விற்பனை செய்யப்படுவது வழக்கம். தமிழக அரசின், பொதுத்துறை நிறுவனமான கூட்டுறவு கடைகளில் பட்டாசு விற்பனை செய்வதால், வெளிமார்க்கெட்டில் வாங்குவதைவிட இங்கு தரமான மற்றும் நியாயமான விலையில் கிடைக்கும்.
இந்த நிலையில், இந்த ஆண்டும் வருகிற தீபாவளியொட்டி டியுசிஎஸ் நிறுவனம் மூலம் சென்னை மற்றும் புறநகர் பகுதிகளில் பட்டாசு விற்பனை செய்யப்பட உள்ளது. மேலும், கடந்த ஆண்டுகளில் நடைபெற்ற முறைகேடுகளை தவிர்க்கவும், பொதுமக்களுக்கு நியாயமான விலையில் கிடைக்கவும் பட்டாசு விலை பட்டியல் அனைத்தும் கணினி மென்பொருளை பயன்படுத்தி விற்பனை செய்ய கூட்டுறவு துறை அமைச்சர் ஐ.பெரியசாமி உத்தரவிட்டுள்ளதாக டியுசிஎஸ் மேலாண்மை இயக்குநர் பாபு கூறியுள்ளார்.

இதுகுறித்து டியுசிஎஸ் தொமுச பொதுச்செயலாளர் இராஜன் சுவாமிநாதன் கூறும்போது, டியுசிஎஸ் நிறுவனம் மூலம் வருகிற 27ம் தேதி முதல் பட்டாசு விற்பனை தொங்கப்பட உள்ளது. குறிப்பாக, சிவகாசியில் தரமான நிறுவனம் தயாரித்துள்ள பட்டாசுகளை வாங்கி, பொதுமக்களுக்கு குறைந்த விலையில் விற்பனை செய்ய கூட்டுறவு துறை அமைச்சர் உத்தரவிட்டுள்ளார். அதன்படி, இந்த ஆண்டு மட்டும்  ரூ.3.5 கோடி அளவுக்கு சிவகாசியில் இருந்து பட்டாசு கொள்முதல் செய்யப்பட உள்ளது. சென்னை நகரில் டியுசிஎஸ் நிறுவனம் மூலம் தேனாம்பேட்டை காமதேனு வளாகம், ராஜாஅண்ணாமலைபுரம் சுயசேவை பிரிவு வளாகம், திருவல்லிக்கேணி தலைமை அலுவலகம், ராயப்பேட்டை சுய சேவை பிரிவு வளாகம், பெசன்ட்நகர், அடையாறு, சைதாப்பேட்டை, பிராடீஸ் ரோடு, நுங்கம்பாக்கம், சாலிகிராமம், வில்லிவாக்கம், பெரியார் நகர் ஆகிய இடங்களில் பட்டாசு கடைகள் அமைக்கப்பட உள்ளது.

இந்த 12 கிளைகளிலும் ஒரே விலையில், ஸ்டாண்டர்ட்  உள்ளிட்ட தரமான பட்டாசுகள் மட்டுமே விற்பனை செய்யப்படும். டியுசிஎஸ் நிறுவனம் மூலம் விற்பனை செய்யப்படும் பட்டாசுகள் வெளிமார்க்கெட்டில் விற்பனை செய்யப்படுவதைவிட 20 சதவீதம் முதல் 50 சதவீதம் வரை குறைந்த விலையில் பட்டாசுகள் கிடைக்கும். இவ்வாறு அவர் கூறினார். இதேபோன்று, தமிழகம் முழுவதும் பல்வேறு கூட்டுறவு நிறுவனங்கள் மூலம் குறைந்த விலையில் தரமான பட்டாசுகள் விற்பனை செய்ய அந்தந்த பகுதி மேலாண் இயக்குனர்கள் ஏற்பாடு செய்துள்ளனர்.

மேலும் செய்திகள்

Like Us on Facebook Dinkaran Daily News
  • omicron virus

    ஓமைக்ரான் கொரோனா வைரஸ் அச்சுறுத்தல் காரணமாக உலக நாடுகளில் விமான நிலையங்களில் பல்வேறு கட்டுப்பாடுகள் விதிப்பு

  • parliament session 01

    பார்லி. கூட்டத்தில் எதிர்கட்சிகள் வௌிநடப்பு: இறந்த விவசாயிகளின் விபரம் இல்லை: ஒன்றிய அரசின் தகவலால் அதிர்ச்சி

  • mkstalin_011221

    கனமழையால் பாதிக்கப்பட்ட செம்மஞ்சேரி பகுதிகளில் 2வது நாளாக முதல்வர் மு.க.ஸ்டாலின் ஆய்வு: நிவாரண உதவிகள் வழங்கினார்

  • delhi-air-1

    மூச்சுவிட முடியல: டெல்லியில் தொடர்ந்து நீடிக்கும் காற்று மாசால் அல்லல்படும் மக்கள்..!!

  • aids-1

    வாழ்க்கை அழகானது அதை ஆள்கொல்லிக்கு கொடுத்துவிடாதே!: உலக எய்ட்ஸ் தினத்தை முன்னிட்டு விழிப்புணர்வு ஏற்படுத்தும் பொதுமக்கள்..!!

படங்கள் வீடியோ கல்வி சினிமா ஜோ‌திட‌ம்